काठमाडौँ । निर्धारित प्रतिनिधिसभा बैठक विनियोजन विधेयकमा छलफल गर्न आज र भोलिका लागि रोक्ने निर्णय भएको छ । 

सभामुख देवराज घिमिरेसहित उहाँको निवासमा संसदमा प्रतिनिधित्व गरेका मुख्य दलका प्रमुख सचेतकहरूसँग आज बिहान भएको छलफलले प्रतिनिधिसभा बैठक केही दिन रोक्ने निर्णय गरेको हो।  निर्णय गरेको हो । बजेट पुस्तिकामा उल्लिखित विविध विषयमा सांसदहरूलाई अध्ययनका निम्ति पर्याप्त समय उपलब्ध गराउन दुई दिन प्रतिनिधिसभाको बैठक  नगर्ने निर्णय गरेको हो ।

विधेयकमा २९ गतेदेखि नियमित छलफल हुनेछ । विनियोजन विधेयक, २०८१ अन्तर्गत मन्त्रालयगत छलफलका लागि दलले समय मागेका कारण बैठक स्थगनको सूचना जारी गरिने  सभामुखको सचिवालयले जनाएको छ ।

सभामुख निवासमा भएको बैठकमा उपसभामुख इन्दिरा राना, नेपाली कांग्रेसका सचेतक सुशीला थिङ, नेपाल कम्युनिष्ट पार्टी (एमाले) प्रमुख सचेतक महेश बर्तौला, नेपाल कम्युनिष्ट पार्टी (माओवादी केन्द्र) का मुख्य सचेतक हितराज पाण्डे, राष्ट्रिय स्वतन्त्र पार्टीका प्रमुख सचेतक सन्तोष परियार र राष्ट्रिय प्रजातन्त्र पार्टीका प्रमुख सचेतक ज्ञानबहादुर शाही, मुख्यसचिव डा वैकुण्ठ अर्याल र सङ्घीय संसद्का महासचिव पद्मप्रसाद पाण्डेय उपस्थित हुनुहुन्थ्यो ।