नवलपुर । नवलपुरको गैँडाकोट नगरपालिका –९ स्थित थुम्सीमा सडक भासिँदा पूर्वपश्चिम राजमार्ग अवरुद्ध भएको छ । 

सोमबार साँझदेखि परेको वर्षाका कारणका सडक भासिँदा नारायणगढ–बुटवल सडकखण्डअन्तर्गतको राजमार्ग अवरुद्ध राति २ बजेदेखि अवरुद्ध भएको हो । 

प्रहरी नायव उपरीक्षक बेदबहादुर पौडेलले निर्माणाधीन  सडक भासिँदा राजमार्ग दुईतर्फी नै अवरुद्ध भएको जानकारी दिनुभएको छ ।  अवरुद्ध सडकमा ट्रक फसेकाले त्यसलाई हटाउने कार्य भइरहेको उहाँले बताउनुभयो । 

यसैबीच भासिएको सडकमा पश्चिमबाट पूर्वतर्फ जाँदै गरेको लु १ ख ८५१३ नम्बरको यात्रुबाहक बसमा एक्कासी ब्रेक लगाउँदा त्यसमा सवार ८ यात्रु सामान्य घाइते भएका छन् । ब्रेक लगाउँदा बस हुत्तिएर अर्को बसमा ठोक्किन गई यात्रु घाइते भएका प्रहरी नायव उपरीक्षक पौडेलले बताउनुभयो ।

सडक एकतर्फी भए पनि खुलाउने प्रयास भइरहेको उहाँले बताउनुभयो ।