काठमाडौँ । सर्वोच्च अदालतले उपप्रधान तथा गृहमन्त्री रवि लामिछाने र महान्यायाधिवक्ता डा दिनमणि पोखरेलविरुद्धको रिट दर्ता गर्न आदेश दिएको छ । 

गृहमन्त्री र महान्यायाधिवक्त विरुद्ध अधिवक्ता अनुपम भट्टराईले पेश गरेको रिट निवेदन सर्वोच्च प्रशासनले यसअघि दरपीठ आदेश गरेको थियो । प्रशासनले यसअघि दरपीठ गरेको रिट न्यायाधीश टेकप्रसाद ढुंगानाको इजलासले दर्ता गर्न आदेश दिएको हो । 

अधिवक्ता भट्टराईले पेश गर्नुभएको रिटमा महान्यायाधिवक्ता कार्यालयबाट गृहमन्त्री लामिछानेको नाममा जारी भएको पत्रको वैधतामाथि प्रश्न उठाइएको छ । रिटमा तल्ला निकायमा अनुसन्धान भएको र हुनसक्ने विषयमा कुनै व्यक्तिले निवेदन दिएको भरमा छानविन भएको छ वा छैन ? भनी पत्र जारी गर्दा त्यसको दुरुपयोग हुनसक्ने  उल्लेख गरिएको छ ।  

रिटमा महान्यायाधिवक्ता कार्यालयबाट जारी भएको पत्र बदर हुनुपर्ने माग समेत गरिएको छ ।