काठमाडौँ ।  प्रमुख प्रतिपक्षी दल नेपाली कांग्रेसले सहमति उल्लंघन  गर्दै फेरि संसद अवरोध गरेको छ । 

कांग्रेसले उपप्रधान एवं गृहमन्त्री रवि लामिछानेको अभिव्यक्तिलाई लिएर सोमबार फेरि प्रतिनिधिसभा बैठक अवरोध गरेको हो । 

कांग्रेसले सहकारीको रकम अपचनमा उपप्रधान एवं गृहमन्त्री रवि लामिछानेको संलग्नता देखिएको आरोप लगाउँदै निष्पक्ष र स्वतन्त्र छानविन संसदीय समिति माग गर्दै लामो समयदेखि प्रतिनिधिसभा र राष्ट्रियसभा बैठक अवरुद्ध पार्दै आएको थियो । सरकारको नीति तथा कार्यक्रममाथि छलफल गरी बजेट ल्याउने बेला संसद अवरोध भइरहेपछि त्यसलाई सुचारु गर्न सत्ता पक्षले विभिन्न प्रयत्न गर्दै आएको थियो । सत्ता पक्षको लामो प्रयासपछि कांग्रेस आइतबबारदेखि ससद खुलाउन सहमत भयो । तर गृहमन्त्री लामिछानेको अभिव्यक्तिलाई लिएर सोमबारदेखि फेरि अवरोध गर्न थालेको हो । ।

कांग्रेस सदंसदीय दलको आज बसेको बैठकले सहकारीको रकम अपचलनमा गृहमन्त्री लामिछाने संलग्न रहेको स्पष्ट प्रमाण देखिएको जनाउँदै निष्पक्ष छानविनका लागि संसदीय समिति गठन गर्ने  माग पुनः  दोहोर्याउँदै सदन अवरुद्ध पारेको छ ।  कांग्रेसको अवरोधपछि प्रतिनिधिसभा बैठक १५ मिनेटका लागि स्थगित भएको छ । कांग्रेस सांसदहरुले गृहमन्त्री लामिछानेको आइतबारको अभिव्यक्तिलाई लिएर नाराबाजी गरेपछि सभामुख देवराज घिमिरेले बैठक स्थगित गर्नुभएको हो ।