काठमाडौँ । इरानका राष्ट्रपति र  विदेशमन्त्रीको हेलिकप्टर दुर्घटनामा निधन भएको छ । 

राष्ट्रपति इब्राहिम रायसी र विदेशमन्त्री हुसेन अमिर अब्दुल्लाहियान आइतबार हेलिकप्टर दुर्घटनामा गर्नुभएको हो । उहाँहरु आइतबार हेलिकप्टर दुर्घटनामा परेपछि अवस्थामा भने अज्ञात थियो ।  खराब मौसमका कारण उद्धार टोली सोमबार मात्रै दुर्घटनास्थल पुगेको हो । समाचार एजेन्सी रोयटर्सले इरानी अधिकारीलाई उद्धृत गर्दै जनाए अनुसार दुर्घटनामा हेलिकप्टर पूर्ण रुपमा जलेको  छ । 

टर्कीले राष्ट्रपति. रायसी सवार हेलिकप्टरको अवस्था पत्ता लगाउन ड्रोन पठाएको थियो। टर्कीको समाचार एजेन्सी अनादोलुले एक ठाउँमा अत्यधिक तापको स्रोत भेट्टाएको तस्बिर सार्वजनिक गरेको थियो । टर्कीले प्राप्त गरेको यो सूचना इरानलाई जानकारी गराएको थियो ।

दुर्घटनाग्रस्त हेलिकप्टरमा इरानी राष्ट्रपति इब्राहिम रायसी, विदेशमन्त्री होसेन अमीर(अब्दुल्लाहियान, इरानको पूर्वी अजरबैजान प्रान्तका गभर्नर मलिक रहमाती, पाइलट, सुरक्षा प्रमुख र चालक दलका सदस्य सवार रहनुभएको थियो ।  ।

राष्ट्रपति रायसी क्विज कालासी र खोडाफरिन बाँधको उद्घाटन गर्न अजरबैजान जानुभएको हा्े । बाँध उद्घाटन लगत्तै उहाँ तबरिज सहरतर्फ लाग्नुभएको थियो ।  इरानको पूर्वी अजरबैजान प्रान्तको राजधानी तबरिज जानेक्रममा हेलिकप्टर बाटैमा दुर्घटनाग्रस्त भएको हो ।

दुर्घटना भएको ठाउँमा भिजिबिलिटी निकै कम छ रहेको बीबीसीले जनाएको छ ।