काठमाडौँ । गृह मन्त्रालयले सर्लाहीको लालबन्दी-१७ रानीगन्जमा अवैध रुपमा संचालन हुँदै आएको ‘प्रिन्स क्रसर’ ‘प्रिन्स क्रसर’लाई कारवाही गर्न निर्देशन दिएको छ । 

मापदण्ड विपरीत संचालन हुन्दै आएको ‘प्रिन्स क्रसर’ हटाउन विगतमा  स्थानीय प्रशासनले विभिन्न बाहनामा आलटाल गरेपछि  गृहमन्त्रालयले त्यसलाईलाई कारवाही गर्न निर्देशन दिएको हो । गृह मन्त्रालयले क्रसर बन्द गराउन सर्लाही जिल्ला प्रशासनलाई निर्देशात्मक पत्र पठाएको छ । रानीगन्जका वासिन्दाले क्रसर मापदण्ड विपरीत संचालन हुँदै आएको येथेष्ट प्रमाणसहित उपप्रधानमन्त्री तथा गृहमन्त्रीलाई सम्बोधन गर्दै दिएको निवेदन र त्यसबारे नेपालकैरनले लगातार समाचार सम्प्रेषण गरेपछि गृह मन्त्रालयले यसप्रति गम्भीर रुपमा चासो लिएको हो । 

सर्लाहीमा संचालनमा रहेका २७ वटा क्रसरमध्ये ‘प्रिन्स क्रसर’ले कुनैपनि मापदण्ड पूरा नगरेको भेटिएपछि प्रमुख जिल्ला अधिकारी कोमल धमलाले केहीदिन पहिला ‘अर्को आदेश’  नभएसम्मका लागि यो क्रसर बन्द गराउनु भएको थियो । क्रसर बन्द भएपनि क्रसरले कब्जा गरेको सरकारी वन भने अहिलेसम्म खालि गरेको छैन ।


गृह मन्त्रालयले मापदण्ड विपरीत संचालनमा रहेको यो क्रसरलाई कारावहिका लागि १२ पृष्टका विभिन्न कागजातसहित त्यसलाई बन्द गराउन सर्लाही प्रशासनलाई पत्र पठाएको छ ।

*(यसअघि प्रकाशित समाचारमा ‘प्रिन्स क्रसरलाई कारवाही गर्न निर्देशन ’ हुनु पर्नेमा अन्यथा भएकोमा भूलसुधार सहित सच्याईएको छ । -सम्पादक) 

सम्बन्धित समाचार...

‘प्रिन्स क्रसर’लाई लालबन्दी प्रहरीले संरक्षण गरेको स्थानीयको आरोप

अवैद्ध ‘प्रिन्स क्रसर’ले कब्जा गरेको सरकारी वन खाली गराउन प्रक्रिया शुरु

नेपालकैरन निगरानी: बस्तीबीचको ‘अवैद्ध’ क्रसरले निम्त्याएको कहर

बस्तीबीचमा क्रसर उद्योग, साढे ४ सय परिवारको उठिबास