काठमाडौँ ।  उपप्रधानमन्त्री तथा गृहमन्त्री रवि लामिछानेले संसदमा आफूले बोल्न पाउनुपर्ने बताउनुभएको छ । 
 
गृहमन्त्री लामिछानेले त्यसको लागि वातावरण बनाइदिन प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीसँग आग्रह समेत गर्नुभएको छ । गृहमन्त्री लामिछानेले प्रधानमन्त्री र एमाले अध्यक्ष ओलीसँग बुधबार  भएको भेटवार्तामा यस्तो आग्रह गर्नुभएको हो ।  

सिंहदरबार भएको भेटवार्तामा आज प्रधानमन्त्री र एमाले अध्यक्ष र गृहमन्त्री  लामिछानेबीच अवरुद्ध संसद् खुलाउने लगायतका विषयमा छलफल समेत भएको छ ।  छलफलमा आफूविरुद्ध सदनमा कुरा उठेपछि संसदमा बोल्न पाउनुपर्ने प्रधानमन्त्री र अध्यक्ष ओली समक्ष कुरा राखेको उपप्रधानमन्त्री लामिछानेले जानकारी दिनुभएको छ । 

‘म माथि प्रश्न उठिसकेपछि मैले सदनमा बोल्न पाउनुपर्छ, त्यसपछि यदि जवाफ चित्त बुझेन भने उहाँहरू (कांग्रेस) को अधिकार प्रयोग गर्न सक्नुहुन्छ, त्यो अधिकार त छँदै छ, त्यसपछि विरोध गर्ने उहाँहरूको अधिकारको सम्मान गर्छु’ उपप्रधानमन्त्री लामिछानेले भन्नुभयो ।