मोरङ। कोशीको मुख्यमन्त्रीमा  नेकपा एमाले नेता  हिक्मतकुमार कार्की नियुक्त भएको छ । एमाले  कोशीको संसदीय दलका नेता कार्कीलाई प्रदेश प्रमुख परशुराम खापुङले बिहीबार मुख्यमन्त्री नियुक्त गर्नुभएको हो । 

कार्कीले एमाले र माओवादी केन्द्रका ५२ सांसदको समर्थनमा मुख्यमन्त्रीको लागि बिहीबार नै प्रदेश प्रमुख समक्ष दाबी पेश गर्नुभएएको थियो । प्रदेश प्रमुखले संविधानको धारा १६८ को उपधारा ५ अनुसार सरकार गठन आह्वान गरेपछि  कार्कीले मुख्यमन्त्रीमा दाबी पेश गर्नुभएको हो । 

कार्कीले मुख्यमन्त्रीमा दाबी पेश लगत्तै उहााँलाई समर्थन गर्ने सांसदको हस्ताक्षर सनाखत गरियो । त्यसपछि प्रदेश प्रमुख परशुराम खापुङले कार्कीलाई मुख्यमन्त्री नियुक्त गर्नुभएको हो । ९३ सदस्यीय प्रदेश सभामा बहुमतका लागि ४७ मत चाहिन्छ ।  कार्कीको पक्षमा ५२ मत देखिएपछि प्रदेश प्रमुखले मुख्यमन्त्री नियुक्ति भएको जानकारी दिनुभएको छ । 

नेपाली काग्रेसबाट यसअघि मुख्यमन्त्री केदार काकीै  नयाँ सरकार गठन आह्वान विरुद्ध सर्वोच्च अदालत पुग्नुभएको छ । कांग्रेसका कार्की सर्वोच्च पुग्दा एमालेका कार्की मुख्यमन्त्री बन्नुभएको हो ।  एमालेका कार्की मुख्यमन्त्री बने लगत्तै उहाँको शपथको तयारी भइरहेको छ ।