काठमाडौँ । पूर्वमन्त्री अशोक राई नेतृत्वको दललाई निर्वाचन आयोगले मान्यता दिएको छ ।  आयोगले राई नेतृत्वको दल जनता समाजवादी पार्टी दर्ता गर्ने निर्णय गरेको छ ।

उपप्रधानमन्त्री एवं स्वास्थ्य तथा जनसंख्यामन्त्री उपेन्द्र यादव अध्यक्ष रहेको जनता समाजवादी पार्टी (जसपा) नेपालबाट विद्रोह गरेर वरिष्ठ नेता राईसहितका ७ सांसदहरुले आइतबार नयाँ दल दर्ताका लागि निवेदन दिनुभएको थियो । त्यसलाई आयोगले मान्यता दिएको हो । 

आयोगको सोमबार बसेको बैठकले दल दर्ता गर्ने निर्णय गरेको आयोगका सूचना अधिकारी सुमन घिमिरेले जानकारी दिनुभएको छ ।  । राजनीतिक दलसम्बन्धी ऐन तथा राजनीतिक दलसम्बन्धी नियमावली २०७४ को नियम ५ बमोजिम दल दर्ता गर्ने निर्णय भएको हो ।

नयाँ दलको नाम जनता समाजवादी पार्टी राखिएको छ । उपप्रधानमन्त्री यादव नेतृत्वको दलको नाम पनि जनता समाजवादी पार्टी नेपाल छ ।