काठमाडौँ । उपराष्ट्रपति रामसहायप्रसाद यादवसँग नेपालका लागि समाजवादी गणतन्त्र भियतनामका गैरआवासीय राजदूत गुएन थान हाईले  भेटवार्ता गर्नुभएको छ । 

राजदूत गुएनले लैनचौरस्थित कार्यालयमा उपराष्ट्रपतिसँग सोमबार भेटवार्ता गर्नुभएको  हो ।  भेटवार्तामा उहाँहरुबीच द्विपक्षीय सम्बन्ध तथा व्यापार, लगानी र पर्यटन लगायत विषयमा छलफल भएको .उपराष्ट्रपति कार्यालयले जनाएको छ । 
 
भेटवार्तामा उपराष्ट्रपतिले काठमाडौँमा जारी लगानी सम्मेलनमा भियतनामको सहभागिताले भविष्यमा त्यहाँबाट नेपालमा लगानी भित्र्याउन पहल हुने विश्वास व्यक्त गर्नुभएको छ ।  
 

भेटवार्तामा भियतनामका राजदूत गुएनले नेपाल र भियतनामबीचको सम्बन्धलाई थप सुदृद्ध र प्रगाढ बनाउन आफूले सक्दो प्रयास गर्ने उल्लेख गर्दै दुई मुलुकबीच सीधा हवाई उडान स्थापनाको गृहकार्य भइरहेको बताउनुभयो ।