बझाङ । बझाङमा प्रदेशसभा सदस्यको लागि भएको उपनिर्वाचनमा नेकपा  एमाले  उम्मेदवारको अग्रता कायमै छ । 
 
छबिसपाथिभेरा गाउँपालिकाको वडा नम्वर १, २, ३, ४, ५ र ६ (सबै ) वडा र लरा गाउँपालिका एउटा वडा र खप्तड छान्ना गाउँपालिकाको तीन वटा वडाको मतगणना सकिएको छ ।

अहिलेसम्मको मतगणनामा एमाले उम्मेदवार दमनबहादुर भण्डारीले २ हजार ६ सय ३८ मत प्राप्त गर्नुभएको छ । छबिसपाथिभेराको ६ वटा वडा सक्दा  नेकपा माओवादी केन्द्रका उम्मेदवार जनक बुढा नेपाली कांग्रेस उम्मेदवार अभिषेकबहादुर सिंहलाई पछि पार्दै दोस्रो स्थानमा पुग्नुभएको  थियो। तर अहिले फेरि कांग्रेस दोस्रो स्थानमा आएको छ । 

 कांग्रेसका सिंहले २  हजार २४ मत पाउनुभएको छ ।   माओवादी उम्मेदवार बुढाले १ हजार ७  सय १७ मत प्राप्त गर्नुभएको छ । नेकपा एकीकृत समाजवादीका दिलबहादुर सिंहले ९ सय ६२ मत प्राप्त गर्नुभएको छ ।