काठमाडौँ । मौसम पूर्वानुमान महाशाखाले नेपालको तराई क्षेत्रमा अबका केही दिनसम्म तातो हावा चल्नसक्ने बताएको छ । महाशाखाका अनुसार केही दिनदेखि देशका अधिकांश भागको अधिकतम तथा न्यूनमत तापक्रम क्रमिक रुपमा वृद्धि भइरहेको छ । केही स्थानमा अधिकतम तापक्रम ४० डिग्री सेल्सियस भन्दा बढी मापन भएको छ ।

सोमबार दिउँसो भैरहवाको अधिकतम तापक्रम ४०.९ तथा सिमरामा ४० डिग्री सेल्सियस मापन गरिएको छ ।  यस्तै जनकपुरमा ३९.४, धनगढीमा ३८.८ र नेपपालगञ्जमा ३८.४ डिग्री सेल्सियस मापन भएको छ ।

महाशाखाका अनुसार धनुषादेखि कञ्चनपुरसम्म (चितवन र नवलपुरबाहेक) का क्षेत्रमा १४ वैशाखसम्म अध्यधिक गर्मी हुने सम्भावना छ । तातो हावा चल्ने सम्भावना रहेकाले त्यस क्षेत्रकाले सतर्कता अपनाउन अनुरोध गरेको छ ।

तातो हावा चलेमा थकाइ लाग्ने, टाउको दुख्ने, खुट्टा बाउँडिने, बान्ता हुने जस्ता समस्या हुनसक्छ । यसबाट बच्न गर्मीको समयमा घरभित्र वा चिसो स्थानमा बस्न, घाममा धेरै नजान, हल्का लुगा लगाउन, पानी वा झोल पदार्थ प्रशस्त मात्रामा पिउन विभागले सल्लाह दिएको छ ।

पहाडी भूभागका उपत्यका र खोँचहरुमा समेत तापक्रम क्रमिक रुपमा बढ्न सक्ने पूर्वमानुमान समेत मौसम पूर्वानुमान महाशाखाको छ ।

यो पनि... 

जनकपुरमा उखुम गर्मी, तापक्रम ४२ डिग्री पुग्यो

भैरहवाको तापक्रम ४३ डिग्री, तातोले कष्टकर बन्दै तराई

खडेरीले खेतबारीमै सुक्न थाल्यो बाली