गुल्मी । धुर्कोट गाउँपालिकामा आफ्नै घरमा आगो लगाउने पक्राउ परेका छन् । मादक पदार्थ सेवन गरी आफ्नै घरमा आगो लगाएका गाउँपालिकाकोे वडा नम्वर ६ रजस्थलका ५९ वर्षीय रेखबहादुर परियारलाई प्रहरी पक्राउ गरेको हो ।

जिल्ला प्रहरी कार्यालयका सूचना अधिकारी शङ्कर पोख्रेलका अनुसार  परियारले मादक पदार्थ सेवन गरी आइतबार राति आफ्नो घरमा आगो लगाएका थिए । आगो लागेपछि घरभित्रका अन्नपात, लत्ताकपडा जलेर पूर्णरुपमा नष्ट भएको छ । अन्य समयमा पनि परियारले मापसे गरी गाउँमा होहल्ला गर्ने र छिमेकीको घरमा आगो लगाइदिन्छु भन्दै धम्की दिने गरेको प्रहरीले जनाएको छ । परिवारलाई प्रचलित कानुनबमोजिम आवश्यक कारबाही गरिने प्रहरीले जनाएको छ । 

आगलागीबाट घर, लत्ताकपडा र अन्नपात जलेपछि  रेखबहादुर परिवार बिचल्लीमा परेको छ । आगलागीबाट बिचल्ललीमा परेपछि  रेखबहादुरकी श्रीमती सीता परियारलाई जिल्ला प्रशासनले तत्कालका लागि राहत रकम उपलब्ध गराइएको छ । त्यसैगरी, नेपाल रेडक्रसले पनि पीडित परिवारलाई भाँडाकुँडा, त्रिपाल र लत्ताकपडा उपलब्ध गराएको छ ।