कञ्चनपुर । भारतको बेतालघाटमा सवारी दुर्घटनामा ७ जना नेपालीको मृत्यु भएको छ ।  नैनीताल जिल्लाको बेतालघाटमा सोमबार राति भएको सवारी दुर्घटनामा ७ जना नेपालीसहित सवारी चालक भारतीय नागरिकको मृत्यु भएको हो ।

बेतालघाट पुलिस थानाका सब(ईन्सपेक्टर अनिश अन्सारीका अनुसार मृत्यु हुनेमा विश्राम चौधरी, धिरज चौधरी, अन्तराम चौधरी, विनोद चौधरी, तिलक चौधरी, उदयराम चौधरी र गोपाल बस्नेत छन् । मृतकको साथमा फेला परेको कागजातको आधारमा उनीहरु नेपालको साविक भेरी अञ्चल बबइका भएको बेतालघाट पुलिस थानाले जनाएको छ ।

घटनास्थल वरपर नेपालीहरु सडक छेउमा पाइप बिछ्याउने काम गर्दथे । उनीहरु गाडी भाडामा लिएर टनकपुर आउने तयारीमा सामान लोड गर्दागर्दै सवारी सडकदेखि तल झरेको अन्सारीले बताउनुभयो ।

‘काम गर्ने ठाउँ नजिकै दुर्घटना हुँदा सात नेपालीसहित स्थानीय चालकले ज्यान गुमाए’ उहाँले भन्नुभयो, ‘उनीहरुको शव नैनीताल सरकारी अस्पतालमा राखिएको छ । दुर्घटनामा परी धीरज चौधरीको श्रीमती शान्ति चौधरी र जनक चौधरी घाइते भएको उहाँले  जानकारी दिनुभयो ।

गाडी सडकबाट करिब डेढ सय मिटर तल खसेको छ । दुर्घटनाको उद्धारमा राति प्रहरी लगायत स्टेट डिजास्टर रेस्पोन्स टिमु समेत खटिएको सब(इन्सपेक्टर अन्सारीले बताउनुभयो ।