काठमाडौँ  । सर्वोच्च अदालतको आदेशविरुद्ध बोल्ने ५  जना सांसदलाईे मुद्दा लागेको छ । निर्वाचन क्षेत्र विकास कार्यक्रम (संसद् विकास कोष) को विषयलाई लिएर अदालतको आदेशविरुद्ध बोल्ने विभिन्न दलका ५ जना सांसदविरुद्ध सर्वोच्चमा मुद्दा परेको हो ।

अदालतको आदेशविरुद्ध बोल्दा नेपाली कांग्रेसका प्रमुख सचेतक रमेश लेखक,  सांसद श्यामकुमार घिमिरे, नेकपा एमालेका प्रमुख सचेतक महेश बर्तौला,  सांसद सूर्य थापा र एकीकृत समाजवादीका सांसद अम्मरबहादुर थापाविरुद्ध  अपहेलना मुद्दा परेको हो ।

उहाँहरुले  निर्वाचन क्षेत्र विकास कार्यक्रम (संसद् विकास कोष) रोक्नुपर्ने भनी सर्वोच्च अदालतले गरेको आदेशको  संसदमै अभिव्यक्ति दिनुभएको थियो ।  उहाँहरु अदालतको आदेशविरुद्ध वक्तव्य दिएको भनी  निवेदन दर्ता भएको छ ।

सर्वोच्चका सूचना अधिकारी गोविन्दप्रसाद घिमिरेका अनुसार निवेदनमाथि प्रारम्भिक सुनुवाइपछि लिखित जवाफ पेश गर्न आदेश जारी भएको छ । मुद्दा सुनुवाइका लागि २०८१ वैशाख ५ गतेलाई  पेशी तोकिएको छ ।

गएको भदौ ६ गते प्रधानन्यायाधीश विश्वम्भर श्रेष्ठ, न्यायाधीशहरू ईश्वर खतिवडा, डा आनन्दमोहन भट्टराई, प्रकाशमानसिंह राउत र अनिल सिन्हाको संवैधानिक इजलासले निर्वाचन क्षेत्र पूर्वाधार विकास कार्यक्रमको बजेट खर्च नगर्न अन्तरिम आदेश दिएको थियो । सांसदहरुले अदालतको त्यो आदेशविरुद्ध अभिव्यक्ति दिनुभएको हो ।