अछाम । वैद्यनाथ धाममा आयोजित कोटीहोम महाय‍ज्ञमा आगलागीपछि आज क्षमा पूजा गरिएको छ । आगलागीको कारण केही समय रोकिएको कोटीहोम क्षमा पूजापछि आइतबारदेखि पुन: सुचारु गरिएको छ । 

वैद्यनाथ धाममा १ सय ४४ वर्षपछि फागुन १० गतेदेखि शुरु भएको कोटीहोम महाय‍ज्ञमा शनिबार आगलागी भएको थियो । कुण्डमा जलाइएको आगोको झिल्कोले सल्किएर महाय‍ज्ञमा आगलागी भएको वैद्यनाथ धाममा पर्यटक विकास समितिका कार्यकारी निर्देशक भरत कुँवरले नेपालकैरनलाई जानकारी दिनुभएको छ । समितिका कार्यकारी निर्देशन कुँवरका अनुसार आगलागीबाट जलेको यज्ञस्थल शनिबार राति नै पुर्ननिर्माण गरिएको छ । यज्ञस्थल पुर्ननिर्माणपछि आइतबार क्षमा पूजा गरेर महायज्ञ पुन: संचालन गरिएको  कुँवरले जानकारी दिनुभयो । 

फागुन २५ गतेसम्म संचालन कोटीहोमको राष्ट्रपति रामचन्द्र पौडेलले उद्घाटन गर्नुभएको थियो ।