नेपालकैरन
काठमाडौँ । स्थानीय तहका कर्मचारीले पनि आन्दोलन घोषणा गरेका छन् । विगतमा आफूहरूसँग गरेका सम्झौता कार्यान्वयन नगरेको भन्दै स्थानीय तहका कर्मचारीहरूले आइतबारदेखि विरोधका कार्यक्रम सार्वजनिक गरेका हुन्।
स्थानीय सेवा कर्मचारी सञ्जाल नेपालले शनिबार विज्ञप्ति निकाली विरोधका कार्यक्रम सार्वजनिक गरेको हो। आइतबार ७५३ पालिकाकै प्रमुखमार्फत राज्य व्यवस्था समितिका सभापति, संघीय मामिलामन्त्री, कानुनमन्त्री र मुख्यसचिवलाई २७ असोज २०८० मा भएको सम्झौता स्मरण गराई तत्काल निजामती सेवा विधेयक जारी गर्न ध्यानाकर्षण गराउने भएका छन्।
त्यस्तै, वैशाख ८ गते सोमबार कर्मचारीहरू काठमाडौँमा भेला भई दबाबमूलक कार्यक्रम गर्ने र ७५३ स्थानीय तहमै कालोपट्टी बाँधेर काम गर्ने कार्यक्रम छ।
१२ वैशाख शुक्रबार सम्ममा स्थानीय तहका कर्मचारीका माग सम्बोधन नगरिए काठमाडौँकेन्द्रित सडक आन्दोलन गर्ने तथा सबै स्थानीय तहमा पेनडाउन गर्ने विरोधका कार्यक्रम सार्वजनिक गरेको छ।
शिक्षकदेखि, चिकित्सक तथा संघीय निजामती कर्मचारीले आन्दोलन गरिरहेका वेला स्थानीय तहका कर्मचारीले पनि सडक आन्दोलनसम्मका कार्यक्रम सार्वजनिक गरेका छन्।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै