नेपालकैरन
काठमाडौँ । सुक्खा र डढेलोका कारण काठमाडौँ उपत्यका डेढ सातादेखि वायुप्रदूषणको चपेटामा रहेका बेला बुधबार दिउँसो वर्षा भएको छ। लामो समयपछि वर्षा हुँदा वायुप्रदूषण क्रमशः हट्दै जाने आकलन गरिएको छ।
मौसम पूर्वानुमान महाशाखाका मौसमविद् गोविन्द झाले बुधबार दिउँसो काठमाडौमा मध्यम खालको पानी परेको र साँझ पनि पानी पर्ने सम्भावना रहेको बताउनुभयो । ‘आजभन्दा भोलि बिहान र दिउँसो धेरै पानी पर्ने देखिन्छ, आजको पानीले केही राहत दिन्छ, भोलिको पानीले प्रदूषण हट्ला कि भन्ने छ,’ उहाँले भन्नुभयो ।
पछिल्लो ३ घन्टामा उपत्यकाको साँखुमा २०.२ मिलिमिटर पानी परेको छ। उपत्यकाका सहरी क्षेत्रमा पनि हल्का पानी परेको छ। अहिले काठमाडौ उपत्यका, झापा, सुनसरी, सिन्धुपाल्चोक, सल्यान, दाङलगायत विभिन्न जिल्लामा मेघगर्जन र चट्याङसहित हल्का पानी परिरहेको छ।
मंगलबार मध्य र पूर्वी नेपालका केही जिल्लामा पानी परेको थियो। हाल पश्चिमी वायु तथा स्थानीय वायुसँगै बंगालको खाडीबाट भित्रिएको जलवाष्फयुक्त हावाको समेत प्रभावका कारण वर्षा भइरहेको हो। यो प्रणाली शुक्रबारसम्म कायम रहने आकलन गरिएको छ।
२४ घन्टामा कोशी, मधेश, बागमती, गण्डकी, लुम्बिनीमा वर्षाको सम्भावना छ। यसबाट हालसम्म देशव्यापी रहिरहेको तुँवालो केही मात्रामा कम हुने देखिन्छ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै