नुवाकोट । शिवपुरी गाउँपालिकामा वृद्धाको हत्या आरोपमा एक जना पक्राउ परेका छन् । वडा नम्बर ६ खत्रीटोल निवासी नेत्रकुमारी खत्रीको हत्यामा आरोपमा त्यही ठाउँका सुकु तामाङ पक्राउ परेका हुन् । 

७५ वर्षीया खत्रीको गत सोमबार राति हत्या गरेर फरार रहेका सुकुलाई प्रहरीले बिहीबार पक्राउ गरेका हो । सुकुलाई प्रहरीले शुक्रबार पत्रकार सम्मेलन गरी सार्वजनिक गरेको छ । 
हत्यामा संलग्न २२ वर्षीय तामाङलाई तालिमप्राप्त कुकुरको सहायताले लुकिएरहेको अवस्थामा बिहीबार पक्राउ गरिएको र  अनुसन्धानका लागि बिहीबार नै जिल्ला अदालतबाट ७ दिनको म्याद लिइएको प्रहरी उपरीक्षक संजयसिंह थापाले जानकारी दिनुभएको छ ।

 ‘लामो समयदेखि लागुऔषध दुव्र्यसनीमा संलग्न तामाङले गाँजा खरिदका लागि पैसा अभाव भएपछि वृद्धासँग भएको नगद र गरगहना चोर्ने क्रममा हत्या गरेको स्वीकार गरेको छ’ उहाँले भन्नुभयो– ‘वृद्धासँग लुटेको नगद र लगाएको गरगहना प्रहरीले बरामद गरेको छ ।’