नेपालकैरन
काठमाडौँ । नेपाल क्रिकेट संघ (क्यान) ले सन् २०२४ का लागि वार्षिक क्यालेन्डर सार्वजनिक गरेको छ । क्यानले आज (विहिबार) सार्वजनिक गरेको क्यालेन्डरमा ३४ वटा अन्तर्राष्ट्रिय प्रतियोगिताहरु समेटिएका छन् ।
आज सार्वजनिक गरिएको क्यालेन्डरमा जनवरीदेखि डिसेम्बर ३१ सम्म खेलिने राष्ट्रिय तथा अन्तर्राष्ट्रिय प्रतियोगिता समेटिएका छन् । पुरुष टिमले घरेलु मैदानमा लिग टू खेल्दै यो बर्षको यात्रा सुरु गर्नेछ । नेपाल, नामिबिया र नेदरल्यान्डस सम्मिलित सिरिज आगामी फेब्रुअरी १७ देखि संचालन हुनेछ । यो सिरिजअघि फेब्रुअरी १० देखि १४ सम्म नेपालले क्यानडासँग तीन ओडीआई खेल्ने तालिका छ ।
लिग टूका दुई सिरिज अवे हुनेछन् । सेप्टेम्बरमा क्यानडामा हुने लिग टु सिरिजमा घरेलु टोली, नेपाल र नामिबिया सहभागी हुनेछन् । अक्टोबरमा नेपालले अमेरिका भ्रमण गर्नेछ । नेपाल र अमेरिकासहित स्कटल्यान्डबीच प्रतिस्पर्धा हुनेछ । हरेक लिग टूअघि तीनै टोलीसँग द्विपक्षीय सिरिज खेल्ने क्यानले जानकारी दिएको छ । २०२४ मा नेपालले सबैभन्दा धेरै क्यानडासँग सात ओडीआई खेल्नेछ ।
क्यानले यसअघि आयोजना हुँदै आएको प्रतियोगितालाई व्यवस्थित गर्दे अन्तर्राष्ट्रिय सहभागिताका साथै केही नयाँ योजनासहित वार्षिक क्यालेन्डर सार्वजनिक गरेको हो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- भियतनामकी उपराष्ट्रपति काठमाडौँमा
- आज १६०औँ मोती जयन्ती, योगदान स्मरण गरिँदै
- आज कुशे औँसी, घर–घरमा कुश भित्र्याइयो
- नागरिकता विधेयक राष्ट्रियसभाबाट सर्वसम्मत पारित
- विद्या लक्षित ओलीको टिप्पणी– कसैको सदस्यता खोसेको छैन
- विद्यालय शिक्षा विधेयक प्रतिवेदन प्रतिनिधिसभामा पेश
- एकीकृत समाजवादीले भदौ ९ गते स्थापना दिवस मनाउने
- भारत - चीन सहमतिप्रति सांसदहरुले जनाए आपत्ति
- च्यासलले सदस्यता खोसे पनि एमालेमै संघर्ष गरिरहन्छु : पूर्वराष्ट्रपति भण्डारी
- ओलीको राजनीतिक विचार मदन भण्डारी फाउण्डेशनसँग जोडिएको छ : ईश्वर पोखरेल