नेपालकैरन
टेक्सास (अमेरिका) । नेपाली समुदायको उल्लेख्य उपस्थिति रहेको संयुक्त राज्य अमेरिकास्थित टेक्सासको ड्यालसमा दूतावास सेवा कार्यालय (कन्सुलर अफिस) स्थापनाका पक्षमा पहल शुरु भएको छ ।
प्रवासी नेपाली समुदायको बाक्लो बसोबास रहेको टेक्सासको ड्यालसमा कन्सुलर अफिस स्थापनाका लागि टेक्सासस्थित विभिन्न सङ्घसंस्थाले नेपाल सरकारसँग अनुरोध गर्दैै आएका छन् ।
टेक्सास्थित नेपाली समाज र प्रवासी नेपाली समुदाय तथा नेपाली कांग्रेस निकट नेपाली जनसम्पर्क समिति र नेकपा एमाले निकट प्रवासी नेपाली मञ्चले टेक्सासबाट नेपाली दूतावास रहेको स्थान वासिङ्टन डिसी टाढा रहेकाले समय र खर्च बढी लाग्ने भएको अवस्थालाई दृष्टिगतगरी ड्यालसमा कन्सुलर अफिसको व्यवस्था गरिदिन नेपाल सरकारसँग पुनःअनुरोध गरेको छ ।
नेपाली समाज टेक्सासका महासचिव विजय भुसालले वासिङ्टनस्टित नेपाली दूतावासले कहिलेकाहीँ शिविर सञ्चालनगरी कन्सुलर सेवा दिने भए पनि समयको अभाव र सेवा लिने नेपालीको चापका कारण असहज भएकाले ड्यालसमा कन्सुलर अफिस स्थापना होस् भन्ने पक्षमा यहाँस्थित प्रवासी नेपाली समुदायबीच एक मत रहेको बताउनुभयो ।
महासचिव भुसालका अनुसार टेक्सासको ड्यालसमा कन्सुलर अफिस स्थापना भइदिए टेक्सासका साथै ओक्लोहमा, न्यू मेक्सिोको लगायत १५ राज्यमा बसोबास गर्ने नेपाली समुदाय प्रत्यक्ष रुपमा लाभान्वित हुनेछन् ।
नेपाली समाज टेक्सासले दुई वर्षदेखि कन्सुलर अफिस स्थापनाका लागि पहल गरिरहेको तर नेपालमा सरकार फेरबदल भइरहने समस्याले गर्दा प्रवासी नेपालीहरुको माग सम्बोधन हुन नसकेको भनी महासचिव भुसालले दुःख व्यक्त गर्नुभयो ।
नेपालमा नयाँ सरकार गठन भएपछि टेक्सासमा रहेका प्रवासी नेपाली समुदायकोतर्फबाट प्रधानमन्त्री केपी ओली, अर्थमन्त्री विष्णु पौडेल, परराष्ट्र सचिव सेवा लम्साललाई साउनको पहिलो साता कन्सुलर अफिस स्थापनाका लागि आफूले ज्ञापनपत्र बुझाएको पनि महासचिव भुसालले जानकारी दिनुभयो ।
नेपाली कांग्रेस निकट नेपाली जनसम्पर्क समिति टेक्सास र नेकपा ९एमाले० निकट प्रवासी नेपाली मञ्च टेक्सासले पनि कन्सुलर अफिस स्थापनाका लागि राजनीतिक एवं प्रशासनिक रुपमा पहल थालेको स्पष्ट गरेका छन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै