काठमाडौँ । नेपाल कम्युनिष्ट पार्टी (एकीकृत समाजवादी) को महाधिवेशनमा राजनीतिक प्रतिवेदन, समाजवादी कार्यक्रम, विधान र साङ्गठनिक प्रतिवेदनसहित प्रतिनिधिहरुबाट आएका सुझाव आज पेश हुँदैछ । 

आइतबारखि शुरु भएको १०औँ  महाधिवेशनमा विभिन्न प्रतिवेदनमाथि १२ समूह बनाएर गरिएको छलफलबाट प्राप्त सुझाव आजको बैठकमा पेश गर्न लागिएको हो । सम्बन्धित समूहका टोली नेताले सुझाव प्रस्तुत गरेपछि प्रतिवेदन परिमार्जनसहित अनुमोदन गरिनेछ । 

महाधिवेशनमा  १ हजार  ८ सय ४९ प्रतिनिधि सहभागी छन् ।  महाधिवेशनले २१ सदस्यीय केन्द्र पदाधिकारीसहित  २ सय ९९ सदस्यीय कार्यसमिति निर्वाचित गर्ने कार्यक्रम छ ।

प्रतिनिधिलाई विद्युतीय उपकरणबाट मतदानका लागि प्रशिक्षण दिइएको छ । शीर्ष नेतृत्वमा सहमतिको प्रयास अझै जारी छ । नेतृत्वमा यदि सहमति नभए पदाधिकारीसहित केन्द्रीय सदस्यको चयनको लागि निर्वाचन हुनेछ ।