काठमाडौँ । नेपाली कांग्रेसका सभापति शेरबहादुर देउवाले संविधानको रक्षा, संघीय लोकतान्त्रिक गणतन्त्रात्मक व्यवस्थाको सबलीकरण गर्न आवश्यक रहेको बताउनुभएको छ । 

नेकपा (एकीकृत समाजवादी) को १० औं महाधिवेशन उद्घाटन समारोहमा आइतबार बोल्दै सभापति देउवाले एकीकृत समाजवादीले आफ्नो स्थापना कालदेखि नै छोटो समयमा नेपालको राजनीतिमा सकारात्मक, महत्वपूर्ण र निर्णायक भूमिका निर्वाह गरेको उल्लेख गर्नुभएको छ ।

‘एकीकृत समाजवादीले आफ्नो स्थापना कालदेखि नै छोटो समयमा नेपालको राजनीतिमा सकारात्मक र महत्वपूर्ण, निर्णायक, भूमिका निर्वाह गरेको छ,’ उहाँले भन्नुभयो,  ‘संविधानको रक्षा, संघीय लोकतान्त्रिक गणतन्त्रात्मक व्यवस्थाको सबलीकरण र यसै संविधानमार्फत् मुलुकमा दिगो शान्ति, सुशासन, विकास तथा समृद्धि प्राप्त गर्नु महत्वपूर्ण एजेण्डा हुन्।’

संघीय लोकतान्त्रिक गणतन्त्रात्मक व्यवस्थाकाप्रति गहिरो प्रतिवद्धताका साथ एकीकृत समाजवादीले कार्य गरिरहेको सभापति देउवाले बताउनुभयो । भविष्यमा पनि यसको निरन्तरता हुनेछ भन्ने विश्वास लिएको छु,’ सभापति देउवाले भन्नुभयो । 

सभापति देउवाले नेपालको राजनीतिमा, मुलुकमा शान्ति स्थापना गर्ने सवालमा, संविधान निर्माणमा एकीकृत समाजवादीका अध्यक्ष माधवकुमार नेपालले महत्वपूर्ण भूमिका निर्वाह गरेको भन्दै प्रशं‌सा गर्नुभएको थियो ।

सम्बन्धित समाचार...

एकीकृत समाजवादीसँग पार्टी एकताको प्रयासमा छौं : प्रचण्ड

एकीकृत समाजवादीको महाधिवेशन एमालेद्वारा बहिष्कार !

एकीकृत समाजवादीको १०औँ राष्ट्रिय महाधिवेशन शुरु