काठमाडौँ । बिहीबार सुनको मूल्य हालसम्मकै उच्च बिन्दुमा पुगेको छ । आज  तोलाको १ हजार ३ सय रुपौंया बढेपछि नेपाली बजारमा सुनको मूल्य हालसम्मकै उच्च विन्दुमा पुगेको हो ।

नेपाल सुनचाँदी व्यवसायी महासघले बिहीबार सुनको मूल्य तोलामा १ लाख २२ हजार रुपौंयामा कायम भएको जनाएको छ । बुधबार छापावाल सुन प्रतितोला १  लाख २० हजार सात सय रुपियाँमा कारोबार भएको थियो ।

यसैगरी, आज तेजाबी सुनको मूल्य प्रतितोला १ लाख २१ हजार ४ सय रुपौंयामा कारोबार भइरहेको महासंघले जनाएको छ ।

यसभन्दा अघि गत मङ्सिर १८ गते सुन प्रतितोला एक लाख २१ हजार ६ सयमा कारोबार भएको थियो । 

अन्तर्राष्ट्रिय बजारमा भने आज सुन प्रतिऔंस २ हजार ८५ अमेरिकी डलरमा कारोबार भइरहेको छ ।

आज चाँदीको मूल्यमा पनि वृद्धि भएको छ । आज चाँदीको मूल्य प्रतितोला १ हजार ४ सय ९० रुपौंयामा कारोबार भइरहेको महासंघले जनाएको छ ।

अघिल्लो दिन चाँदी प्रतितोला १ हजार चार सय ७५ रुपौंयामा कारोबार भएको थियो ।