गोरखपुर  । भारत उत्तर प्रदेशको गोरखपुर जिल्लामा एक महिला बिजुलीको पोलमा चढेको  डरलाग्दो घटना सार्वजनिक भएको छ ।

उनले आफनो प्रेमीलाई सँगै राख्न अनुरोध गर्दा श्रीमानले न मानेपछि  बिजुलीको पोलमा चढेकी हुन् । ती महिलाका तीन सन्तान छन् र उनको विगत सात वर्षदेखि प्रेम सम्बन्ध रहेको थियो । श्रीमानले यो कुरा थाहा पाउनेबित्तिकै विरोध गर्न थालेपछि महिलाले आत्महत्या गर्ने धम्की दिन थालेकी थिइन् । बिजुलीको पोलमा चढेपछि पूरै इलाकामा त्रास फैलिएको थियो  ।

छिमेकी गाउँका एक युवकसँगको अवैध सम्बन्धलाई उनका श्रीमानले अस्वीकार गरेपछि ती महिलाले धेरै पटक आत्महत्या गर्ने प्रयास गरेको भारतिय संचार माध्यमले जानेको छ । एक महिनाअघि उनले भवनको पाँचौं तलाबाट हाम फालेर आत्महत्या गर्ने प्रयास गरेकी थिइन् । यसअघि महिलाका प्रेमीले रेलमार्गमा पुगेर आत्महत्याको प्रयास गरेका थिए ।

यी घटनाहरू पछी, भर्खरैको एउटा घटनामा, महिला हाइ टेन्सन बिजुलीको तार रहेको  बिजुलीको पोलमा चढेको देखियो र भिडियो खिचिएको थियो। घटनास्थलको एक भिडियो अनलाइनमा सार्वजनिक भएको छ, जसमा महिलाले पोलबाट ओर्लन  अस्विकार गरिरहेकी थिइन् भने स्थानीयले उनलाई सम्झाएर भुइमा उतार्न प्रयास गरेका थिए  । प्रहरीका अनुसार श्रीमान श्रीमती र प्रेमीका बीच मेलमिलाप गराउने प्रयास भइरहेको प्रहरीले जनाएको छ ।

श्रीमानले श्रीमतीको समस्याबारे प्रहरीलाई जानकारी दिँदै प्रेमी श्रीमतीसँग बस्न चाहेको तर तीन सन्तानकी आमा भएकाले पारिवारिक कारणले उनलाई छोड्न नचाहेको बताए ।  

महिला बिजुलीको पोलमा चढेको जानकारी पाएलगत्तै प्रहरी र विद्युत् विभागका कर्मचारीले घटनास्थल पुगेर तत्काल महिलालाई शान्त पारेर पोलबाट तल ल्याएका थिए । अहिले उनी सकुशल छिन ।