
विराटनगर । मोरङ क्रिकेट सङ्घको आयोजनामा विराटनगरमा जारी कोशी प्रदेश ट्रफी पेप्सी राष्ट्रिय टी–२० क्रिकेट प्रतियोगितामा नेपाल पुलिस र आर्मी विजयी भएका छन् ।
विराटनगरको बैजनाथपुर क्रिकेट रंगशालामा आज भएको पहिलो खेलमा विभागीय टोली नेपाल पुलिसले गण्डकी प्रदेशलाई चार विकेटले पराजित गरेको छ । जितसँगै पुलिस समुह ‘बी’मा दुई खेलमध्ये एकमा जित र एकमा पराजित हुँदै दुई अङ्कका साथ तेस्रो स्थानमा उक्लिएको छ । गण्डकी खेलेका तीन वटै खेलमा पराजित हुँदै प्रतियोगिताबाट बाहिरिने पहिलो टोली बनेको छ । पुलिस पहिलो खेलमा सुदूरपश्चिमसँग पराजित भएको थियो ।
टस जितेर ब्याटिङ गरेको गण्डकीले निर्धारित २० ओभरमा छ विकेट गुमाएर एक सय ४४ रन बनाएको थियो । गण्डकीका लागि दिनेश बुढा मगरले ४६ रन बनाउँदा इश्वर क्षेत्रीले ४१ तथा दिपक डुम्रेले ४० रनको योगदान दिए ।
पुलिसका अविशेक कार्कीले तीन विकेट लिँदा ललित भण्डारी, शरद भेषवाकर र दिपक सेरलाले समान एक÷एक विकेट लिए । जवाफमा एक सय ४५ रनको लक्ष्य पाएको पुलिसले १९ दशमलव तीन बलमा छ विकेट गुमाइ सो विजयी लक्ष्य पार गरेको थियो ।
पुलिसको जितमा ‘प्लेयर अफ द म्याच’ शङ्कर रानाले नटआउट ५१ रन बनाउँदा अमित श्रेष्ठले २८, रोहन विकले १९ र शरद भेषवाकरले १८ रनको योगदान दिए । गण्डकीका अम्रित गुरुङले दुई विकेट लिँदा सन्दिप पराजुलीले पनि दुई विकेट तथा चन्द्र पोडेलले एक विकेट लिए ।
दोस्रो खेलमा आर्मीले मधेश प्रदेशलाई सात विकेटले पराजित गरेको छ । आर्मी लगातार दोस्रो जित निकाल्दै समुह ‘ए’ को शिर्ष स्थानमा उक्लिएको छ । आर्मीले यस अघि खेलेको पहिलो खेलमा कर्णालीलाई पराजित गरेको छ । आर्मीले दुई खेलमा दुई जित निकाल्दै चार अङ्कका साथ पहिलो स्थानमा छ । तीन खेलममध्ये एक खेलमा जित र दुई खेलमा पराजित भएको मधेश दुई अङ्कका साथ चौथो स्थानमा यथावत रहेको छ ।
टस जितेर ब्याटिङ गरेको मधेशले निर्धारित २० ओभरमा नौ विकेट गुमाइ एक सय ५३ रनको योगफल तयार पारेको थियो । मधेशका पवन सराफले ६३ रन बनाउँदा साहिल पटेलले २२ र राहुल मण्डलले १७ रनको योगदान दिए । आर्मीका नितेश पटेलले चार विकेट लिए । त्यस्तै त्रितराज दास र शहाव आलमले दुई÷दुई विकेट लिए ।
जवाफमा एक सय ५४ रनको लक्ष्य पछ्याएको आर्मीले १६ दशमलव पाँच बलमा तीन विकेट गुमाइ लक्ष्य पार गरेको थियो । आर्मीकोे जितमा ‘प्लेयर अफ द म्याच’ त्रितराज दासले अविजित ६० रनको पारी खेले । त्यस्तै सन्तोष कार्कीले ५७ र टुल थापाले १९ रनको योगदान दिए । मधेशका रुपेश सिंश, अविशेक तिवारी र पवन सराफले समान एक÷एक विकेट लिए ।
सोमबारको पहिलो खेल सुदूरपश्चिम र बागमती प्रदेश तथा दोस्रो खेल घरेलु टोली कोशी प्रदेश र एपिएफबीच खेल हुने मोरङ क्रिकेट सङ्घले जनाएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- सरकार– उखु किसान वार्ता निष्कर्षविहीन
- प्रधानमन्त्री ओलीले चीन भ्रमणमा लिम्पियाधुरा र लिपुलेक मुद्दा उठाउने
- मनाङमा प्रदेशसभा उपनिर्वाचन कात्तिक १७ गते हुने
- एकीकृत समाजवादीमा पसेपछि वामदेवमा उत्साह
- प्रहरी महानिरीक्षकमा चन्द्रकुवेर खापुङ नियुक्त
- निजी विद्यालय संगठनद्वारा आन्दोलन थप चर्काउने घोषणा
- पूर्व राष्ट्रपति राजनीतिमा फर्कनु संविधानविपरीत होइन : प्रचण्ड
- इम्बोस्ड नम्बर प्लेट निर्णयविरुद्ध जागे नेपाली, आन्दोलन घोषणा
- प्रधानमन्त्री र भियतनामका उपराष्ट्रपतिबीच भेटवार्ता
- जसपाले दुई मन्त्रीलाई फिर्ता बोलायो, वीरेन्द्र र रञ्जुलाई पठाउने तयारी