काठमाडौँ ।  सङ्क्रमणकालीन न्यायसँग सम्बन्धित विधेयकलाई निष्कर्षमा पुर्याउन  प्रधानमन्त्रीले नेपाली कांग्रेसका सभापति र नेकपा एमाले अध्यक्षसँग छलफल गर्नुभएको छ । 

प्रधानमन्त्री पुष्पकमल दाहालले कांग्रेस सभापति शेरबहादुर देउवा र  प्रमुख प्रतिपक्षी दल एमालेका अध्यक्ष केपी शर्मा ओलीसँग आइतबार छुट्टाछुट्टै छलफल गर्नुभएको हो । 

प्रधानमन्त्री निवास बालुवाटारमा भएको उहाँहरुसँगको छुट्टाछुट्टै भेटघाटमा बेपत्ता पारिएका व्यक्तिको छानविन, सत्य निरुपण तथा मेलमिलाप आयोगसम्बन्धी विधेयकका सन्दर्भमा छलफल गरिएको प्रधानमन्त्रीका प्रेस विज्ञ मनोहरि तिमिल्सिनाले जानकारी दिनुभएको छ । 

प्रतिनिधिसभाको कानुन, न्याय तथमा मानवअधिकार समितिमा बेपत्ता पारिएका व्यक्तिको छानविन, सत्य निरुपण तथा मेलमिलाप आयोग ऐन, २०७१ लाई संशोधन गर्न बनेको विधेयक विचाराधीन छ । त्यही विधेयकमाथि छलफल गर्न समितिको बैठक आज बस्दैछ ।