काठमाडौँ । समाजवादी मोर्चाको प्रदर्शनमा पूर्वप्रधानमन्त्री झलनाथ खनालको सहभागी नहुने भएको छ । मोर्चाले शुक्रबार काठमाडौँमा बेथिति एवम् भ्रष्टाचारविरूद्ध खरदारी गर्दै गणतन्त्रका पक्ष प्रदर्शन गरेको छ । तर त्यो कार्यक्रममा नेकपा एकीकृत समाजवादीका सम्मानित नेता खनालले आफ्नो सहभागिता नरहने बताउनुभएको छ । 

प्रदर्शनमा समाजवादी मोर्चामा सम्मेलित विभिन ४ पार्टीका अध्यक्षहरुले मात्रै सम्बोधन गर्ने कार्यसूची बनाइएको छ  । पूर्वप्रधानमन्त्री खनालले आफूलाई मञ्चमा वक्ताको रूपमा नराखिएकाले जान उपयुक्त नभएको प्रतिक्रिया जनाउनुभएको छ । ‘सभामा चार पार्टीको अध्यक्षहरूमात्रै बोल्ने कार्यसूची रहेछ’ उहाँले भन्नुभयो – कार्यक्रममा दर्शक मात्रै बन्न म जाँदिन।’

पूर्वप्रधानमन्त्री खनालले प्रदर्शनमा सहभागी नभए पनि कार्यक्रमप्रति भने आफ्नो समर्थन रहेको बताउनुभयो । ‘प्रतिगनमन र यथास्थितिवादीविरूद्ध भएको प्रदर्शनमा मेरो समर्थन छ’ उहाँले भन्नुभयो तर म जुलुस र सभामा उपस्थित हुन सक्दिनँ ।’