नेपालकैरन
स्याङ्जा । त्रिचालीसौँ राष्ट्रिय मगर एकता दिवसका अवसरमा यहाँका आठ स्थानीय तहले सार्वजनिक बिदा दिएका छन् ।
एघार पालिका रहेको जिल्लाका आठ पालिकाले आज सार्वजनिक बिदा दिएका हुन् । जिल्लाका पाँच नगरपालिका र तीन गाउँपालिकाले बिदा दिएका हुन् । वालिङ, पुतलीबजार, गल्याङ, चापाकोट, भीरकोट नगरपालिका तथा कालीगण्डकी, बिरुवा र हरिनास गाउँपालिकाले सूचना प्रकाशित गरी सार्वजनिक बिदा दिएका हुन् ।
मगर समुदायको बाहुल्यता रहेका ती स्थानीय तहले छुट्टाछुट्टै सूचना प्रकाशित गरी सार्वजनिक बिदा दिएका हुन् । चाडपर्व तथा मगर भाषा कला संस्कृति संरक्षणका लागि स्थानीय तहहरूले आफू मातहतका वडा कार्यालय, विद्यालय, सङ्घ संस्था, स्वास्थ्य संस्थामा सार्वजनिक बिदा दिइएको जनाएका छन् ।
जिल्लाका विभिन्न स्थानीय तहहरूमा रहेका मगर सङ्घ संस्थाले राष्ट्रिय मगर एकता दिवसमा औपचारिक तथा अनौपचारिक कार्यक्रम गरी मनाउँदै आएका छन् । सार्वजनिक बिदा दिएका पालिकामा मगर समुदायको बसोबास धेरै रहेको छ । मगर समुदायको बसोबास धेरै भएका स्थानीय तहहरूले सरकारी कामकाजको भाषाको रुपमा समेत मगर भाषाको प्रयोग गर्ने क्रम अगाडि बढेको छ ।
राष्ट्रिय मगर एकता दिवसका अवसरमा बिहीबार मगर सङ्घ संस्थाले मगर वेशभूषा, कला संस्कृति, झाँकीको प्रदर्शनीलगायतका मैत्रीपूर्ण खेलकुद प्रतियोगिता सञ्चालन गर्दै आइरहेका छन् ।
विसं २०३९ साल फागुन १५ गतेलाई पहिलो स्थापना दिवस मानेर त्यसैको आधारमा यसपटक ४३ औँ मगर राष्ट्रिय एकता दिवसको रुपमा मनाउन लागेका हुन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै