बागमती ।  सवारी दुर्घटना न्यूनीकरण गर्न बागमती प्रदेशमा ट्राफिक प्रहरीले सवारी जाँचमा कडाइ गरेको छ । 

ट्राफिक प्रहरील जिल्लामा विशेष अभियान चलाएको ट्राफिक प्रहरीले चालु आर्थिक २०८१ र ८२ को सात महिनाको अवधिमा ७० हजार ३ सय ३१ सवारी साधनमाथि कारबाही गरेको छ । 

कारबाहीबाट  पाँच करोड ९१ लाख ८९ हजार १३ रुपैयाँ राजस्व सङ्कलन भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर चितवनका प्रवक्ता प्रहरी नायव उपरीक्षक मोहन खाणले जानकारी दिनुभयो ।

पूर्व–पश्चिम राजमार्गमा जडान गरिएको सिसिटिभी र रिडर गणबाट सवारी साधनको गति निगरानी गरिरहेको ट्राफिक प्रहरीले चालु आर्थिक वर्ष २०८१ र ८२ को सात महिनाको अवधिमा ट्राफिक नियम उल्लङ्घन गर्ने ७० हजार ३ सय ३१ सवारी साधनमाथि कारबाही गरिएको प्रहरी नायब उपरीक्षक खाणले बताउनुभयो ।

त्यस अवधिमा बागमती प्रदेशको १० जिल्लामा भएको एक हजार दुई ५६ सवारी दुर्घटनामा एक सय ७० जनाको मृत्यु भएको छ,भने चार सय ६३ जना घाइते भएकोकार्यालयले जनाएको छ । 

क्षमता भन्दा बढी यात्रु बोक्ने, तीव्रगतिमा सवारी चलाउने, बिना हेलमेट र तीन जना सवार भएर मोटरसाइकल चलाउने प्रवृति बढेकाले राजमार्ग तथा अन्य सहायक मार्गमा समेत सवारी जाँचमा कडाइ गरिएको प्रहरी नायव उपरीक्षक खाणले बताउनुभयो ।