काठमाडौँ । प्रेमको महिना, फेब्रुअरीको शुरुवात सँगै ‘पोइट्री अनप्लग’ ले आफ्ना श्रोताहरुका निम्ति लालटिन पोयट्री सेसन अन्तर्गत ८ प्रेमिल कविताहरुको कोसेली पस्कने भएको छ । 

पोयट आइडल , कृपा अनप्लग्ड र हिमालय रोडिज जस्ता सफल कार्यक्रमका निर्देशक रहिसकेका अमन प्रताप अधिकारीको निर्देशनमा बनेको यस लालटिन पोयट्री सेसनभित्र चर्चित कवि तथा गीतकार विप्लव प्रतीकका साथमा कवि विपना अधिकारी, विजय लुइटेल, मुस्कान पोखरेल र अतुल सिंहले आफ्ना प्रेमिल कविता प्रस्तुत गर्दैछन् । 

आइतबार माघ २० गते फेब्रुअरीको पहिलो प्रस्तुतिको रुपमा आफ्नो युट्युव च्यानल  ‘पोइट्री अनप्लग’ नेपाल (Poetry Unplugged Nepal ) मा कवि विप्लव प्रतीकको कविता ‘अन्तिम भेट’ सार्वजनिक गर्दै  ‘पोइट्री अनप्लग’ ले फेब्रुअरीलाई प्रेम कवितामा केन्द्रित गर्ने जमर्को गरेको छ । किबोर्डिस्ट सिम्सन प्रधानको पार्शव संगीतले सजिएका प्रेमील कवितालाई श्रोता सामू प्रस्तुत गर्नका लागि टाइटल स्पन्सरका रुपमा  नेपाल कलेज अफ म्यानेजमेन्ट , सफल एडुकेसन एण्ड भिसा सर्भिसेस जोडिएका छन् भने प्रमुख स्पन्सरका रुपमा अस्ट्रेलियास्थित ब्लिस मस्म र लेवा (अनलाइन इङ्लिस लर्निङ प्लाटफर्म)  जोडिएका छन् । 

त्यस्तै मिडिया पार्टनरका रुपमा देशसंचार ,साहित्य पार्टनरका रुपमा साहित्यपोस्ट र अनलाइन पार्टनरका रुपमा मिम नेपालले समेत ‘पोइट्री अनप्लग’ को यात्रालाई सघाइरहेका छन् । 

कवि विप्लव प्रतीकको कविता ‘अन्तिम भेट’ हेर्नका लागि तलको लिङ्कमा जानुहोला 

 https://youtu.be/iV0Lq8OrIww?t=7