काठमाडौँ ।  खोल्चा पुखु खेलकुद समितिको आयोजनामा माघ २४ देखि २६ गतेसम्म सञ्चालन हुने हुने प्रथम पुष्पराज शाक्य स्मृति टेबल टेनिस प्रतियोगिताको मुख्य प्रायोजन ललितपुर महानगरपालिका वडा ११ ले गर्ने भएको छ । 

आयोजक समितिका अध्यक्ष नदिमरत्न शाक्य र वडा ११ का अध्यक्ष अरोजकुमार खड्गीले आज र सोसम्बन्धी सम्झौता पत्रमा हस्ताक्षर गर्नुभयो । प्रतियोगिता सञ्चालन गर्न करिब  आठ लाख रुपैया खर्च हुने बताइएको छ । अध्यक्ष खड्गीले प्रतियोगिताका लागि पाँच लाख रुपैयाँ बजेट विनियोजन गरिसकेको र अपुग रकमको हकमा वडाले सहयोग गर्ने प्रतिबद्धता जनाउनुभयो ।

प्रतियोगितामा विभिन्न ६ स्पर्धामा एक सय ५० बढी खेलाडीले प्रतिस्पर्धा गर्ने छन् । पुरुषरमहिला सिंगल्स, भेट्रान ४० वर्षमाथि, ५० वर्षमाथि र ६० वर्षमाथि पुरुष सिंगल्समा खेल हुनेछ ।

 ललितपुर महानगरपालिका वडा ११ का खेलाडी मात्र खेल्न पाउने गरी यू–१६ मिक्स युथ स्पर्धा राखिएको छ । पुरुष र महिला सिंगल्समा शीर्ष ३२ बरियताका खेलाडीले नाम दर्ता गराइसकेको अध्यक्ष शाक्यले बताउनुभयो । प्रतियोगिताको कुल पुरस्कार राशि दुई लाख रहेको छ । पुरुषरमहिला सिंगल्समा शीर्ष तीन स्थान हात पार्नेले क्रमशः . ३० हजार, १५ हजार र सात हजार पाँच सय रुपैया पुरस्कार हात पार्ने छन् ।

बाँकी ४ स्पर्धामा पहिलो हुनेले  १० हजार, दोस्रोले पाँच हजार र तेस्रोले दुई हजार पाँच सय रुपैयाँ पुरस्कार पाउने छन् । ललितपुर जिल्ला टेबल टेनिस सङ्घको प्राविधिक सहयोगमा हुने रात्रीकालीन प्रतियोगितालाई इलाभेन स्टार क्लब र इखाछें स्पोट्र्सले सहयोग गर्ने भएका छन् । 

स्पिन इभेन्ट प्रालिको व्यवस्थापनमा हुने तीन दिने प्रतियोगिताका खेल शङ्खमूलस्थित इलेभन स्टार क्लबमा हुनेछ । इञ्जिनियर पुष्पराज शाक्यको गत वर्ष निधन भएको थियो । 

ललितपुरमै भएको पाँचौँ मेयर कप टेबल टेनिसको भेट्रान स्पर्धामा खेल्ने क्रममै हृदयघातका कारण शाक्यको निधन भएको थियो ।