काठमाडौँ । प्रधानमन्त्री केपी शर्मा ओली अझै अस्वस्थ अवस्थामै हुनुहुन्छ  ।  प्रधानमन्त्री ओली घाँटीमा समस्या आएपछि चिकित्सकको सल्लाह बुधबारदेखि बालुवाटारस्थित निवासमै आराम गरिरहनुभएको छ ।

प्रधानमन्त्री अस्वस्थ भएका कारण शुक्रबारका लागि तय भएका राजधानी बाहिरका सबै कार्यक्रमलाई भर्चुअल माध्यमबाट हुने भएको छ ।  प्रधानमन्त्री ओलीका आज चार  कार्यक्रम तय भएका छन् ।

बिहान सवा ११ बजे पाल्पाको पाल्पाको बगनासकाली गाउँपालिका भवन र तिनाउ गाउँपालिकाको दोभानमा नवनिर्मित प्रशासकीय भवन उद्घाटन कार्यक्रम राखिएको छ । त्यो कार्यक्रममा प्रधानमन्त्रीले भर्चुअल माध्यमबाट आफ्नो उपस्थिति जनाइसक्नु भएको छ । 

त्यसपछि राष्ट्रिय गौरवको आयोजना सिद्धबाबा सुरुङमार्गको ब्रेक थ्रु कार्यक्रम पनि प्रधानमन्त्रीले भर्चुअल माध्यमबाटै गर्नुहुने भएको छ । त्यस्तै दिउँसो सवार १ बजे बुटवल–गोरुसिंगे सडक स्तरोन्ततिको शिलान्यास कार्यक्रम तय भएको छ ।  त्यो शिलान्यास कार्यक्रम पनि भर्चुअल माध्यमबाटै शिलान्यास गरिने भएको छ ।