काठमाडौँ।  कैलाली–२ बाट प्रतिनिधिसभा सदस्यमा निर्वाचित नागरिक उन्मुक्ति पार्टीका अरुण चौधरीको योग्यतासम्बन्धी मुद्दाको निर्णय सुनाउने मिति सरेको  छ । सर्वोच्च अदालतले  सांसद.चौधरीको योग्यतासम्बन्धी मुद्दाको निर्णय सुनाउने मिति सारेको हो ।

सांसद चौधरीको योग्यतामाथि प्रश्न उठाई दायर रिट निवेदनमाथिको सुनुवाइपछि संवैधानिक इजलासले १७ पुसमा फैसला सुनाउने भनी मिति तोकेको थियो । सर्वोच्चले निर्णय सुनाउने मिति बुधबार सारेको हो। सर्वोच्चले  निर्णय सुनाउने अर्को मिति भने तोकिसकेको छैन ।

प्रधानन्यायाधीश प्रकाशमानसिंह राउत सहित न्यायाधीशहरु सपना प्रधान मल्ल, कुमार रेग्मी, हरि फुयाल र डा.मनोजकुमार शर्माको इजलासले चौधरी प्रतिनिधिसभा सदस्य बन्न योग्य छन् वा छैनन् भन्ने विवादमा सुनुवाइ गरिसकेको छ ।

अधिवक्ता बसन्त जोशीले उहाँ प्रतिनिधिसभा सदस्य बन्न योग्य नभएको भन्दै निर्वाचित गर्ने निर्वाचन अधिकृतको निर्णय बदर गरेर फेरि निर्वाचन गराउनुपर्ने माग राख्नु भएको सथयो ।  कुनै संघीय सांसदको योग्यताको विषयमा प्रश्न उठेमा सर्वोच्च अदालतको संवैधानिक इजलासले त्यसलाई टुंगो लगाउँछ ।