कास्की । पोखराको सूर्यदर्शन सहकारीको बचत रकम अपचलन मुद्दाका आरोपी राष्ट्रिय स्वतन्त्र पार्टीका सभापति एवं पूर्वगृहमन्त्री रवि लामिछानेको बयान आज सकिएको छ।

जिल्ला अदालत कास्कीका न्यायाधीश नीतिज राईको इजलासमा लामिछानेको दुई दिन लामो बयान भएको हो। रविले बिहीबार बयानको क्रममा सहकारीको एक रुपैयाँ पनि नखाएको बताउनुभएको थियो । उहाँले गोर्खा मिडियाको सबै जिम्मेवार जीबी राई रहेको पनि जिकिर गर्नुभएको थियो । 

यसअघि छविलाल जोशी र लिला पछाईंको बयान लिइएको थियो। रविको पनि बयान सकिएसँगै तीन जनाको बयान सकिएको छ।

अब नेचर हर्ब्सका सञ्चालक रामबहादुर खनाल, पूर्व सांसद मीना गुरूङ, पूर्व कोषाध्यक्ष आरती गुरूङ, पूर्वसञ्चालक ललितबहादुर गुरूङ, पूर्व सञ्चालक कृष्णबहादुर गुरूङको बयान बाँकी छ ।

सबै प्रतिवादीहरूको बयान सकिएपछि मात्र थुनछेकको बहस र आदेश हुने अदालतले जनाइएको छ ।