काठमाडौँ । साताको पहिलो कारोबारको दिन आइतबार नेपाल स्टक एक्सचेञ्ज (नेप्से) परिसूचक दोहोरो अंकले घटेको छ । नेप्से १ दशमलव १८ प्रतिशतले घटेर २ हजार १ सय ३० दशमलव १८ विन्दुमा कायम भएको हो ।

आइतबार ३ सय ८ कम्पनीको २ करोड २८ लाख २० हजार २ सय ७९ कित्ता शेयर,  १ लाख ६६ हजार ९ सय ८३ पटक खरिदबिक्री हुँदा ७अर्ब ६७ करोड ७७ लाख ४० हजार ५८ बराबरको कारोबार भएको छ । जलविद्युत् समुह शून्य दशमलव २० र अन्य समूह १ दशमलव ३८ प्रतिशतले बढेको छ ।  अरु सबै समूहको उपसूचक घटेको छ । सबैभन्दा धेरै विकास बैंक समूह २ दशमलव ६१ र वित्त समूह २ दशमलव ५५ प्रतिशतले घटेको छ ।

आँखुखोला जलविद्युत् कम्पनी लिमिटेडको शेयर मूल्य सबैभन्दा धेरै ९ दशमलव ९७ प्रतिशतले बढेको छ । सबैभन्दा धेरै घट्नेमा भने सिइिडिबी हाइड्रोपावर डेभलपमेन्ट कम्पनी लिमिटेडको शेयर मूल्य ८ दशमलव २७ प्रतिशतले घटेको छ ।

कारोबार रकमका आधारमा सबैभन्दा धेरै हिमालयन रिइन्स्योरेन्स लिमिटेडको  ५६ करोड ७९ लाख १० हजार २ सय ४१ रुपैयाँ बराबरको कारोबार भएको छ । कारोबार भएका शेयर सङ्ख्याका आधारमा भने सबैभन्दा धेरै हिमाल दोलखा हाइड्रोपावर कम्पनी लिमिटेडको १४ लाख ३६ हजार १ सय ५१ रुपैयाँ बराबरको कारोबार भएको छ ।