काठमाडौँ ।  धितोपत्र बजारमा शेयर कारोबार मापक नेप्से परिसूचक फेरि लागेको छ ।  नेप्से  बिहीबार ८ दशमलव ७१ अंकले ओरालो लागेर २हजार ४९ दशमलव २८ मा अडिएको छ । 

नेपाल स्टक एक्सचेञ्जका अनुसार ठूला कम्पनीको शेयर कारोबार मापन गर्ने सेन्सेटिभ परिसूचक ५ दशमलव १२ अंकले ओरालो लागेर ३ सय ७९ दशमलव १६ मा सीमित भएको छ ।

कारोबार भएका १३ उपसमूहमध्ये ४ उपसमूहको शेयर मूल्य उकालो लाग्दा ९ उपसमूहको शेयर मूल्यमा भने कमी आएको छ । कूल १ करोड ६० लाख ५२ हजार १ सय १ कित्ता शेयर ५ अर्ब ५८ करोड ११ लाख ७ हजार ८ सय ४ रुपैयाँँमा खरिद बिक्री भएको छ । 

कारोबारका आधारमा सोनापुर मिनरल्स शीर्षस्थानमा छ । त्यो कम्पनीको ३३ करोड ४५ लाख १५ हजार ६ सय ४५ रुपैयाँ बराबरको शेयर कारोबार भयो । शिवम् सिमेन्ट  १९ करोड ४८ लाख २६ हजार ६  सय ८८, माउण्टेन इनर्जी  १८ करोड ६४ लाख ८५ हजार ४ सय ७३, एनआरएन इन्फास्ट्रचर र १६ करोड २९ लाख ३८ हजार ४ सय ४४ र युनाइटेड आइडीआई मर्दी आरबी हाइड्रोपावर  १५ करोड ६९ लाख ३ हजार ९ सय २६ रुपैयाँँ बराबरको कारोबार भई शीर्ष पाँचभित्र पर्न सफल भएका छन् ।

कालिका पावर कम्पनी, सिङ्गटी हाइड्रो नेपाल बेयर हाउस कम्पनीको शेयर मूल्यमा १० प्रतिशतले वृद्धि भएको छ । मुक्तिनाथ कृषि कम्पनी ९ दशमलव ९८ र बिन्दबासिनी हाइड्रोपावरका लगानीकर्ताले ९ दशमलव ३१ प्रतिशतले कमाएका छन् ।

सिद्धार्थ प्रिमियर इन्स्यारेन्स ६ दशमलव ५६, मन्दकानिकी हाइड्रोपावर ५ दशमलव ८०, नेपाल दूरसञ्चार कम्पनी ५ दशमलव ४५, जानकी फाइनान्स ५ दशमलव २८ र युनिलिभर नेपालका लगानीकर्ताले ५ दशमलव शून्य ८ प्रतिशतले गुमाएका छन् । शेयर कारोबार हुने साताको अन्तिम दिनको कारोबारपछि बजार पूँजीकरण  ३१ खर्ब ८३ अर्ब ४१ करोड ६९ लाख ४४ हजार ४ सय ५९ रुपैयाँ बराबर पुगेको छ ।