नेपालकैरन
काठमाडौँ । काभा वुमन्स नेसन्स लिग (भलिबल)को फाइनलमा आज नेपालले भारतसंग प्रतिस्पर्धा गर्दैछ । दशरथ रङ्गशाला कभर्डहलमा मङ्गलबार भएको दोस्रो सेमिफाइनलमा नेपालले इरानलाई २५–२१, २८–२६ र २५–२० ले पराजित गरेको थियो । यसअघि लिग चरणमा इरानले नेपाललाई पाँच सेटमा हराएको थियो ।
मङ्गलबारै भएको पहिलो सेमिफाईनलमा भारतले श्रीलङ्कालाई २५–१५, २५–१६, २५–२३ सोझो सेटमा हराएर फाइनलमा स्थान बनाएको हो ।
यसअघि लिग चरणमा शनिबार नेपालले भारतविरुद्ध ऐतिहासिक जित हात पारेको थियो ।
नेपालकी कप्तान अरुणा शाहीले मङ्गलबारको लय कायम राख्दै आज फाइनलमा भारतलाई हराउने विश्वास व्यक्त गर्नुभयो । “इरानविरुद्ध उच्च मनोबलका साथ खेलेकाले सोझो सेटमा जित हासिल गर्न सफल भयौँ । फाइनलमा आजका खेलमा भएका गल्ती पनि सुधारेर खेल्ने छौँ,” उहाँले भन्नुभयो । कप्तान अरुणाले दर्शकका साथले पनि खेल जित्न सहयोग पुर्याएको र फाइनलमा पनि घरेलु दर्शकको यस्तै साथ रहने अपेक्षा गर्नुभयो ।
नेपालका प्रशिक्षक जगदीश भट्टले भारतविरुद्धको फाइनलमा पनि रणनीति तयार पारेका खेल्ने भएकाले जित्ने विश्वास व्यक्त गर्नुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै