काठमाडौँ । चीनमा भारी वर्षाका कारण ३० जनाको मृत्यु भएको छ । बाढीमा ३५ जना बेपत्ता भएका छन् । 

यस साताको शुरुमा देशमा परेको भारी वर्षाले निम्त्याएको विपद्बाट मध्य चीनमा कम्तीमा ३० जनाको मृत्यु हुनुका साथै ३५  जना बेपत्ता भएको राज्य सञ्चालित सञ्चारमाध्यमले बिहीबार जनाएको छ । एक साताअघि पूर्वी चीनमा अवतरण गरेको टाइफुन गेमीुबाट हुनान प्रान्त विशेष गरी प्रभावित भएको हो । 

केही क्षेत्रहरूमा २४ घण्टामा ६४५ मिलिमिटर वर्षा मापन भएपछि जिक्सिङ शहरबाट ११ हजारभन्दा बढीलाई शहरबाट अन्यत्रै सारिएको सरकारी समाचार एजेन्सी सिन्ह्वाले मङ्गलबार जनाएको थियो । जिक्सिङ क्षेत्रका बस्तीलाई जोड्ने धेरै सडक चरम मौसमका कारण अस्थायी रुपमा अवरुद्ध गरिएका थिए जसले बिजुली आपूर्ति र सञ्चार पूर्वाधारलाई पनि असर गरेको थियो । 

टाइफुन गेमीबाट सबैभन्दा बढी प्रभावित जिक्सिङ सहरका आठवटा सहरमा अवरुद्ध गरिएको सडकहरु हाल खोलिएको छ । प्रारम्भिक निष्कर्षले ३० जनाको मृत्यु र ३५ जना बेपत्ता भएको देखाएको छ, अनुसन्धान र उद्धार प्रयास अझै जारी रहेको बताउदै राज्य प्रसारणकर्ता सिसिटिभीले जनाएको छ। 

हुनानको योङ्क्सिङ काउन्टीमा तीन जनाको मृत्यु भएको र आइतबार प्रान्तका अन्य ठाउँमा गएको पहिरोमा १५ जनाको मृत्यु भएको सिन्ह्वाले बताएको छ ।