काठमाडौँ ।  लक्ष्मण पोखरेलको संगीतमा सजिएको तीजको गीत ‘तिजैले जुरायो...’ सार्वजनिक भएको छ । 

यो गीतमा बाल गायिका आश्रीया सुवेदीले स्वर दिएकी छन् । गीतकार अनिल सुवेदीले रचना गरेका हुन् । आोएसआर डिजिटलबाट गीतको म्यूजिक भिडियो सार्वजनिक गरिएको संगीतकार पोखरेलले बताए । 

हाल बजारमा आएका तिजका विभिन्न गीत मध्येकै फरक शैलीको छ । अशोक थापाको संगीत संयोजन रहेको यस गीतमा दिल सार्कीले रेकर्डिङ गरेका हुन् । साथै प्रकाश मिश्रको मिक्सिङ मास्टिरिङ रहेको छ । गीतको भिडियो निर्देशन अहिलेका व्यस्त र चर्चित निर्देशक कृष्णदेव रुपाखेतीले गरेका छन् । 

गीतमा चर्चित मोडल स्मारिका ढकालको अभिनय देख्न सकिन्छ । राहुल बराइलीको नृत्य, उत्सव दाहालको छायाङ्कन, मीन रावलको सम्पादन रहेको छ । नेपाली महिलाको महान चाड तिजको अवसरलाई लक्षित गरी ल्याइएको तिजैले जुरायो गीतबाट गीतकार अनिल सुवेदी निकै आशावासी रहेको बताउँछन् । दर्शक श्रोताहरुले गीतलाई मन पराइदिनेमा बाल गायिका आश्र्र्रीया सुवेदी पनि आशावादी रहेकी छन् । 

गीत र संगीतको मर्मत अनुरुप भिडियो तयार पारिएको निर्देशक कृष्णदेव रुपाखेतीले बताए । गीतलाई उत्कृष्ट बनाउन कुनै कसुर बाँकी नराखिएको छायाङ्कार उत्सव दाहाल बताउँछन् । ओएसआरबाट सार्वजनिक भएको गीत रमाइलो खालको रहेकोले दर्शक श्रोताहरुले रुचाउनेमा मोडल स्मारिका ढकाल पनि विश्वस्त छन् ।