काठमाडौँ । उपप्रधानमन्त्री तथा गृहमन्त्री रवि लामिछाने विरुद्ध सर्वोच्च अदालतमा रिट  दर्ता भएको  छ । 

गृहमन्त्री लामिछानेविरुद्ध अधिवक्ता अनुपम भट्टराईले सहकारीको रकम अपचलनमा संलग्न रहेको जिकिर गर्दै  सर्वोच्चमा रिट  दायर गर्नुभएको हो ।  सोमबार दर्ता भएको रिटमा राष्ट्रिय स्वतन्त्र पार्टी (रास्वपा)का सभापति समेत रहुभएका  लामिछानेलाई  उपप्रधान तथा गृहमन्त्री लामिछानेलाई पदबाट हटाउन माग गरिएको छ । 

न्यायाधीश टेकप्रसाद ढुङ्गानाको इजलासले  जेठ ९ गते गृहमन्त्रीविरुद्ध पेश भएको रिट निवेदन दर्ता गर्न अस्वीकार गर्ने आदेश (दरपीठ आदेश) खारेज गर्दै दर्ता गर्न आदेश गरेको हो । रिट निवेदनमाथि  जेठ १६ गते सुनुवाइका लागि पेशी तोकिएको छ । 

रिट निवेदनमा सहकारी ठगी प्रकरणमा जोडिएका  भनिएका लामिछानेलाई पदबाट निलम्बन गर्न र लामिछानेविरुद्ध कुनै मुद्दा छैन भन्ने महान्यायाधिवक्ता कार्यालयको पत्र खारेजीको माग समेत गरिएको छ ।