काठमाडौँ । पूर्वअर्थमन्त्री डा. प्रकशशरण महतले २६ सय माओवादी कार्यकर्तालाई १० लाखका दरले पैसा बाँड्ने प्रधानमन्त्रीको प्रस्ताव अस्वीकार गरेको बताउनुभएको छ । 

२० वर्षअघिको शान्ति सम्झौता अनुसार २६ सय माओवादी कार्यकतालाई राज्यकोषबाट १० लाखका दरले आर्थिक सहायता बाँड्ने प्रधानमन्त्रीको प्रस्ताव आफूलेले अस्वीकार गरेकै कारण प्रधानमन्त्रीले गठबन्धन तोडेको आरोप लगाउनु भएको छ । 

नेपाली कांग्रेसका प्रवक्ता समेत रहनुभएका डा. महतले मंगलबार पत्रकार सम्मेलन गरी बजेट बाँड्ने प्रस्ताव अस्वीकार गरेको खुलासा गर्नुभएको हो । “२० वर्ष अघिको शान्ति प्रक्रिया अनुरुप घाइते र सहिद परिवारलाई आर्थिक सहायता बाँड्ने प्रस्ताव आयो मैले अस्वीकार गरेँ,” उहाँले भन्नुभयो, “त्यसबेला प्रधानमन्त्री सहमत हुनुभएको हो । तर, त्यही कुरालाई लिएर हुनसक्छ, उहाँले असन्तुष्टि सार्वजनिक गर्र्नुभएको छ ।” 

उहाँले आफू सरकारमा हुँदा प्रधानमन्त्रीले कुनै लिष्ट नदेखाएको भन्दै आफू सरकारबाट बाहिरएपछि करिब २६ सयको लिष्ट सार्वजनिक भएको बताउनुभयो ।