कर्णाली ।  कर्णाली प्रदेश सरकारका  ३ मन्त्रीले राजीनामा दिनुभएको छ । 

सत्ता समीकरण फेरिएपछि नेपाली कांग्रेसबाट आर्थिक मामिला तथा योजनामन्त्री बन्नुभएका वेदराज सिंह, उद्योग, पर्यटन, वन तथा वातावरणमन्त्री कृष्णबहादुर बिसी र सामाजिक विकासमन्त्री खड्गबहादुर पोखरेलले पदबाट राजीनामा दिनुभएको हो । उहाँहरुले मंगलबार मुख्यमन्त्री राजकुमार शर्मासमक्ष संयुक्त रुपमा राजीनामा बुझाउनुभएको छ । 

राजीनामा बुझाउनुअघि उहाँहरुले पत्रकार सम्मेलन गर्नुभएको थियो । सम्मेलनमा आर्थिक मामिला तथा योजनामन्त्री सिंहले मुलुको बदलिँदो राजनीति परिवेश र प्रदेश सरकार पुनःगठनमा सहज पुगोस् भन्ने उद्देश्यले राजीनामा दिइएको बताउनुभयो । ‘काम गर्ने चाहना थियो तर नयाँ परिस्थितिका कारण बाहिरिनु परेको छ’ उहाँले भन्नुभयो । 

त्यस अवसरमा उहाँहरुले आफ्नो  १० महिना १५ दिने कार्यकालको उपलब्धि पनि सार्वजनिक गर्नुभएको छ ।