नेपालकैरन
झापा । पछिल्लो वर्ष अन्य कम्युनिष्ट पार्टीले भुल्दै भएको सुखानी काण्ड नेकपा एकीकृत समाजवादीले भने सम्झिदैछ । एकीकृत समाजवादी कोशीले प्रदेश कमिटीे स्थापना दिवस सुखानी काण्डका शहीदहरुले शहादत गरेको स्थलमा मनाउने भएको छ ।
एकीकृत समाजवादी कोशीले वेशाख ९ गते सुखानीमा प्रदेश कमिटीे स्थापना दिवस कार्यक्रम गर्न लागेको हो । भर्खरै निर्वाचित प्रदेश कमिटीको आयोजना र झापा जिल्ला कमिटीको व्यवस्थापनमा स्थापना दिवस कार्यक्रम गर्न लागिएको कोशी अध्यक्ष सरिता खड्काले जानकारी दिनुभएको छ ।
उहाँका अनुसार त्यस दिन प्रदेश कमिटीका सम्पूर्ण सदस्यहरु, झापा, इलाम, मोरग, सुनसरी र अरु जिल्लाका कार्यकर्ताहरुको बिशेष सहभागिता रहनेछ । त्यसका लागि पार्टीको झापा जिल्ला कमिटीको पदाधिकारी बैठक बसी योजना बनाइएको प्रदेश कमिटी सदस्य तीर्थ सिग्देलले जनाउनु भएको छ ।
प्रदेश कमिटीले कोशीमा पार्टी निर्माण र विस्तारका लागि योजना बनाउन लागेको र त्यसको अभियान रुपमा सुखानीबाट शुरुवात हुने प्रदेश कमिटी अध्यक्ष खड्काले उल्लेख गर्नुभएको छ ।
इलाम स्थित सुखानी २०२९ साल फागुन २१ गते नेपाली कम्युनिष्ट आन्दोलनका अगुवालाई तत्कालीन शासकले हत्या गरेको स्थान हो ।
अहिले माइ नगरपालिका वडा नम्बर ४ मा रहेको सुखानीमा पंचायती शासकले कम्युनिष्ट योद्धाहरु झापा विद्रोहका नाइके भनेर चिनिने रामनाथ दाहाल, नेत्र घिमिरे, कृष्ण कुइँकेल, बिरेन राजवंशी र नारायण श्रेष्ठलाई हत्या गरेको थियो ।
२०२९ साल कात्तिकमा पक्राउ परका उहाँहरुलाई जेल सार्ने बाहनामा फागुा २१ गते सुखानी लगेर हत्या गरिएको हो । त्यस स्थानमा अहिले शहीद पार्क बनाइएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- एकैदिन तोलामा ५ हजार बढ्यो सुन
- राष्ट्र बैंकको गभर्नरमा डा. विश्वनाथ पौडेल नियुक्त
- भीमफेदीमा गाडी दुर्घटना हुँदा १४ घाइते, तीन जना गम्भीर
- आज ४ बजे गभर्नर सिफारिस समितिको बैठक बस्दै, ५ बजे मन्त्रिपरिषद बैठक
- ‘प्रधानमन्त्रीलाई हेलिकप्टरमा भाग्न छुट दिन्छौं’
- प्रतिनिधि सभाबाट दशरथ चन्द विश्वविद्यालय विधेयक पारित
- रवि लामिछानेको बन्दीप्रत्यक्षीकरण रिटमा आज सुनुवाइ हुँदै
- यूएईलाई हराउँदै नेपाल महिला विश्वकप छनोटको ग्लोबल क्वालिफायरमा
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन