काठमाडौँ । नेपाल स्टक एक्सचेञ्ज (नेप्से) परिसूचक साता कारोबारको पहिलो दिनमै २९ अंकले बढेको छ । 

परिसूचक आइतबार १ दशमलव ११ प्रतिशतको वृद्धि भएको हो । परिसूचक २९ दशमलव ८२ अंकले बढेर २ हजार ६ सय ९३ दशमलव १२ को बिन्दुमा कायम भएको छ ।

आज ३ सय २३ कम्पनीको एक करोड ५५ लाख ७२ हजार ८ सय ६२ कित्ता शेयर, ७६ हजार ३ सय ५४ पटक खरिदबिक्री हुँदा ७ अर्ब ५६ करोड ८२ लाख २६ हजार १ सय ९७ रुपैयाँ बराबरको कारोबार भएको छ ।

आज म्युचुअल फण्ड उपसमूहको उपसूचक शून्य दशमलव १५ र व्यापार समूह शून्य दशमलव २६ प्रतिशतले घटेको छ भने अरु सबै समूहको उपसूचक बढेको छ । आजको कारोबारमा वित्त समूह दुई दशमलव शून्य एक, लगानी दुई दशमलव १८ र अन्य समूह दुई दशमलव शून्य आठ प्रतिशतले बढेको छ । 

बैंकिङ र वित्त समान शून्य दशमलव ८२, होटल तथा पर्यटन एक दशमलव ४१, जलविद्युत् एक दशमलव ५४, जीवन बिमा शून्य दशमलव ८५, उत्पादन तथा प्रशोधन शून्य दशमलव ५८, लघुवित्त शून्य दशमलव ६२ र निर्जीवन बिमा शून्य दशमलव ७८ प्रतिशतले बढेको छ ।

जोशी हाइड्रोपावर डेभलपमेन्ट कम्पनी लिमिटेडको शेयर मूल्य सबैभन्दा बढी नौ दशमलव ९७ प्रतिशतले बढेको छ । सबैभन्दा बढी घट्नेमा प्रभु स्मार्ट फण्डको शेयर मूल्य पाँच दशमलव ७९ प्रतिशत रहेको छ ।

रकमका आधारमा आज सबैभन्दा बढी हिमालयन रिइन्स्योरेन्स लिमिटेडको  ६९ करोड १९ लाख ७७ हजार ४ सय ११ रुपैयाँ बराबरको कारोबार भएको छ । 

शेयर सङ्ख्याका आधारमा सबैभन्दा बढी नेपाल इन्भेष्टमेन्ट मेगा बैंक प्रमोटर शेयर ८ लाख ५० हजार ८ सय ९ कित्ता किनबेच भएको छ ।