काठमाडौँ ।  आज पहाडमा फागुपूर्णिमा उल्लासपूर्वक मनाइँदैछ । सरकारले तराई र पहाडमा फरक फरक दिनमा फागु पूर्णिमाको बिदा दिने गरेको छ । 

पहाडमा फागुपूर्णिमा  मनाइएको भोलिपल्ट तराईमा होली मनाउने चलन छ । एक अर्कामा अबीर दलेर फागु पूर्णिमा पर्व मनाइन्छ ।

सरकारले तराई र पहाडमा फरक फरक दिनमा फागुपूर्णिमाको बिदा दिने गरेको छ । यो वर्ष होलीका अवसरमा बिहीबार पहाडमा सरकारले सार्जनिक बिदा दिएको छ । रङहरुमा रमाएर हर्षोल्लासपूर्वक फागुपूर्णिमा मनाउन आह्वान गर्दै बिहीबार फागुपूर्णिमाको अवसरमा राष्ट्रपति, उपराष्ट्रपति, प्रधानमन्त्री लगायत देशका उच्च पदस्थ व्यक्तिहरुले शुभकामना दिनुभएको छ । 

फागुपूर्णिमाको अवसरमा राष्ट्रपति रामचन्द्र पौडेलले नेपालीहरूको साझा पर्व फागुपूर्णिमा (होली) पर्वले सामाजिक सद्भाव र राष्ट्रिय एकतालाई थप सुदृढ बनाउन योगदान पुर्‍याउने विश्वास व्यक्त गरेका छन् । समाजमा विद्यमान विभिन्न प्रकारका विकृति, विसङ्गति एवम् कुरीतिलाई निर्मूल गर्दै मौलिक संस्कृतिको संरक्षण र संवर्द्धन गर्न प्रेरणा प्रदान गरोस् भनी उहाँले शुभकामना दिनुभएको छ

त्यस्तै, उपराष्ट्रपति रामसहायप्रसाद यादवले सामाजिक, सांस्कृतिक र राष्ट्रिय महत्व बोकेको फागुपूर्णिमा (होली) पर्वले सांस्कृतिक वैभव र धरोहरलाई समृद्ध बनाउन सघाउ पुर्‍याउने विश्वास व्यक्त ग गर्नुभएको छ । 
उहाँले यस पर्वले देश र समाजमा एकता तथा शान्ति कायम गर्न महत्वपूर्ण भूमिका निर्वाह गर्ने समेत बताउनुभएको छ ।