नेपालकैरन
काठमाडौँ । नेकपा एकीकृत समाजवादीका महासचिव घनश्याम भूसालले तीन महिने आन्दोलन कार्यक्रमको तालिका प्रस्ताव गर्नुभएको छ । ललितपुरको जावलाखेलमा आजदेखि शुरु भएको पार्टीको दोस्रो केन्द्रीय कमिटी बैठकमा महासचिव भूसालले आन्दोलन कार्यक्रमको प्रस्ताव गर्नुभएको हो ।
आन्दोलनद्वारा पार्टी निर्माणको तात्कालिक योजना अन्तर्गत उहाँले् आन्दोलनको कार्यतालिका सार्वजनिक गर्नुभएको हो । महासचिव भूसालले पेश गरेको प्रस्ताव अनुसार फागुन तेस्रो साता गर्ने पत्रकार सम्मेलनमा मुलुकको अर्थ राजनीतिक सङ्कट र त्यसको समाधान सम्बन्धी अभियानबारे धारणा राख्ने तथा त्यसबारे सार्वजनिक रूपमा सुझावहरू आह्नवान गर्ने उल्लेख छ ।
यसैगरी १५ गतेसम्म केन्द्रीय तहमा सुझाव सङ्कलनका विभिन्न कार्यक्रम गर्ने र त्यसअन्तर्गत पार्टीका सबै जनसङ्गठन, विभागसहित अन्य संघ संस्थाबाट सुझाव सङ्कलन गर्ने प्रस्ताव भूसालको छ । त्यसपछि चैत २० गते सरकारलाई पार्टीका माग पेश गर्ने, त्यसबिचमा जिल्ला अधिवेशन गर्ने, वैशाख २० गते प्रदेश सरकार र पालिकामा माग पेश गर्ने र जेठ १० गते काठमाडौँमा प्रदर्शन गर्ने भूसालको प्रस्तावित योजनामा उल्लेख छ ।
जेठ तेस्रो साताबाट बजेट र आफ्ना मागका बारेमा पत्रकार सम्मेलन गरी नयाँ कार्यक्रम घोषणा गर्ने कार्ययोजनामा उल्लेख छ । केन्द्रीय कमिटी बैठकले ती योजना पास भएपछि कार्यान्वयनमा जानेछन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै