काभ्रे ।  संविधानसभा सदस्य एवं नेपाल कम्युनिष्ट पार्टी (एकीकृत समाजवादी) का पोलिटब्यूरो सदस्य विदुर सापकोटाको निधन भएको छ । 

मण्डनदेउपुर नगरपालिका–७ नौबिसे निवासी ५८ वर्षीय सापकोटाको काठमाडौँको चाबहिलस्थित हेल्पिङ ह्याण्डस् सामुदायिक अस्पतालमा उपचारका क्रममा आज बिहान निधन भएको हो

यसअघिसम्म निरोगी सापकोटा राजनीतिमा सशक्त रुपमा सक्रिय हुँदै आउनुभएको थियो । सापकोटाले एकीकृत समाजवादीको शनिबार भएको बागमती प्रदेशसभा अधिवेशनमा समेत भाषण गर्नुभएको थियो । कार्यक्रमको भोलि पल्ट आइतबार बिहान अचानक ज्वरो आएपछि उहाँ उपचारको लागि ह्याण्डस् सामुदायिक अस्पताल जानुभएको थियो । 

ज्वरोले सताएपछि अकस्मात पिशाब रोकियो र उहाँलाई डायलासिस गर्नुपर्ने भयो ।  त्यही क्रममा उहाँको निधन भएको हो । दिवङ्गत नेता सापकोटाका  पत्नी र एक छोरी हुनुहुन्छ ।