काठमाडौँ । सोमबार ओरालो लागेको नेपाल स्टक एक्सचेञ्ज (नेप्से) परिसूचक आज भने बढेको छ । 

नेप्से परिसूचक मंगलबार २४ दशमलव ५० अंकले बढेर २ हजार  सय ५७ दशमलव ७७ को बिन्दुमा अडिएको छ ।

आज ३ सय २५ कम्पनीको १ करोड ९६ लाख ८० हजार १ सय ९५ कित्ता शेयर, ९५ हजार ९७ पटक खरिदबिक्री हुँदा ९ अर्ब ४० करोड २६ लाख ७८ हजार ३३ रुपैयाँको कारोबार भएको छ ।

आज सबै समूहको उपसूचक हरियो देखिएको छ । सबैभन्दा धेरै विकास बैंक समूह चार दशमलव ०७ प्रतिशतले बढेको छ । 

बैंकिङ शून्य दशमलव २२, वित्त एक दशमलव ८८, होटल तथा पर्यटन शून्य दशमलव ६८, जलविद्युत् एक दशमलव ४९ र लगानी समूह एक प्रतिशतले बढेको छ । 

त्यस्तै, जीवन बीमा शून्य दशमलव ०८, उत्पादन तथा प्रशोधन एक दशमलव २३, लघुवित्त शून्य दशमलव ४८, म्युचुअल फन्ड शून्य दशमलव १२, निर्जीवन बीमा शून्य दशमलव २८, व्यापार शून्य दशमलव २४ र अन्य समूह एक दशमलव ७४ प्रतिशतले बढेको छ ।

चारवटा कम्पनीको शेयर मूल्यमा सकारात्मक सर्किट लागेको छ । उपकार लघुवित्त वित्तीय संस्था लिमिटेड, सिक्लेस हाईड्रोपावर लिमिटेड, थ्रीस्टार हाईड्रोपावर लिमिटेड र जानकी फाइनान्स कम्पनी लिमिटेडको शेयर मूल्य १० प्रतिशतले बढेको हो । सबैभन्दा धेरै घट्नेमा डोल्टी पावर कम्पनी लिमिटेडको शेयर मूल्यमा आठ दशमलव ४३ प्रतिशतले कमी आएको छ ।

कारोबार रकमका आधारमा आज सबैभन्दा धेरै सप्तकोशी डेभलपमेन्ट बैंक लिमिटेडको  ३८ करोड २१ लाख ३२ हजार १ सय ८७  रुपैयाको शेयर किनबेच भएको छ ।

सङ्ख्याका आधारमा सबैभन्दा धेरै एनआईसी एसिया ग्रोथ फन्ड–२ को १० लाख ३ हजार ३ सय कित्ता शेयर खरिदबिक्री भएको छ ।