काठमाडौँ ।  नेपाल कम्युनिष्ट पार्टी (एकीकृत समाजवादी)को भोलि लागि तय गरिएको केन्द्रीय कमिटी बैठक सरेको छ । 

भोलि बस्ने भनिएको केन्द्रीय कमिटी बैठक साउन १६ गतेको लागि सारिएको हो । सोमबार गर्ने भनिएको बैठक तयारी अपुगको कारण बुधबारको लागि सारिएको पार्टीका प्रवक्ता जगन्नाथ खतिवडाले जानकारी दिनुभएको छ । 

एकीकृत समाजवादीले रिक्त केन्द्रीय सदस्य थप्न  र पदाधिकारी छनौटबारे छलफल गर्न  बैठक बोलाएको हो । एकीकृत समाजवादीमा केन्द्रीय सदस्य ३ सय २९ जना हुने व्यवस्था गरिएको छ । असार दा्रेस्रो साता गरिएको १० औँ महाधिवेनले त्यस मध्ये ९३ जना केन्द्रीय सदस्य मात्रै तोकेको छ । बाँकी २ सय ६ जना केन्द्रीय सदस्य छान्न बाँकी छ । 

बैठकमा सबै प्रदेशले केन्द्रमा पठाएको सिफारिसका आधारमा नेताहरूको योगदान र क्षमताको मूल्याङ्कन गरी भूगोल, क्षेत्र तथा सन्तुलन मिलाएर मनोनयन गर्ने, कमिटीलाई पूर्णता दिएपछि पदाधिकारी चयन गर्ने लगायत विषयमा छलफल हुनेछ । 

समाजवादीको केन्द्रीय पदाधिकारी २१ सदस्य हुने व्यवस्था छ । महाधिवेशनले अध्यक्ष, सम्मानित नेता र महसचिव मात्रै तोकेको छ । अन्य पदाधिकारी टुंग्याउन बाँकी छ ।  बैठकमा त्यसबारे समेत छलफल हुने भएको छ ।